پرەزيدەنت ءبىلىم جانە عىلىم مينيسترلىگىن ەكى ۆەدومستۆوعا ءبولۋدى ۇسىندى
«ونىڭ ءبىرى جوعارى ءبىلىم جانە عىلىم ماسەلەلەرىمەن اينالىساتىن بولادى. جالپى، مەن اتاپ كورسەتكەن شەشىمدەر قازاقستاندىق عىلىمدى كەشەندى دامىتۋعا، ونىڭ باسەكەگە قابىلەتتىلىگىن ارتتىرۋعا جانە ەلدىڭ تۇراقتى الەۋمەتتىك-ەكونوميكالىق پروگرەسىندەگى ۇلەسىنە باعىتتالعان»، - دەدى قاسىم-جومارت توقايەۆ ۇلتتىق عىلىم اكادەمياسىنىڭ 75 جىلدىعىنا ارنالعان سالتاناتتى سەسسيادا سويلەگەن سوزىندە.
سونىمەن قاتار، مەملەكەت باسشىسى عىلىمي زەرتتەۋ جۇمىستارىنىڭ ساپاسىن ارتتىرۋ مۇمكىندىكتەرىنە دە توقتالدى.
«بۇعان قوسا عىلىمي-زەرتتەۋ جۇمىستارىنىڭ ساپاسىن ايتارلىقتاي دەڭگەيدە كوتەرۋگە مۇمكىندىك بەرەتىن ۇلتتىق دايەكسوز الۋ جۇيەسىن قۇرۋىمىز قاجەت دەپ ەسەپتەيمىن. بۇل قادام قازاقستاندىق عىلىمي جۋرنالداردىڭ الەۋەتىن نىعايتۋدى تالاپ ەتەدى»، - دەدى پرەزيدەنت.
ەسكە سالساق، مەملەكەت باسشىسى قاسىم-جومارت توقايەۆ ۇلتتىق عىلىم اكادەمياسىنىڭ 75 جىلدىعىنا ارنالعان سالتاناتتى سەسسيادا ءسوز سويلەدى.
