پرەزيدەنت الماتى اۋەجايىندا جاڭا حالىقارالىق تەرمينالدىڭ قۇرىلىسىن باستاۋعا رۇقسات بەردى
ءىس- شارا بارىسىندا تۇركيانىڭ TAV Airports Holding كومپانياسىنىڭ باس ديرەكتورى سەركان كاپتان، حولدينگتىڭ ديرەكتورلار كەڭەسى ءتوراعاسىنىڭ ورىنباسارى ساني شەنەر جانە الماتى حالىقارالىق اۋەجايىنىڭ پرەزيدەنتى ەرسوي الپ ەر تۋنگا قاسىم- جومارت توقايەۆقا ينۆەستيتسيالىق جوبا تۋرالى مالىمەت بەردى.
بۇدان كەيىن پرەزيدەنت اۋەجايدىڭ جاڭا حالىقارالىق تەرمينالىنىڭ قۇرىلىسىن باستاۋعا رۇقسات بەردى.
مەملەكەت باسشىسى الماتى اۋەجايى ماڭىزدى ستراتەگيالىق نىسان جانە قازاقستاننىڭ اۋە قاقپاسى ەكەنىن اتاپ ءوتتى.
- جاڭا تەرمينال سالىنعاننان كەيىن اۋەجايدا جىلىنا 14 ميلليون جولاۋشىعا دەيىن قىزمەت كورسەتىلەتىن بولادى، ياعني ەكى ەسەگە ارتادى دەگەن ءسوز. جاڭا تەرمينال ەڭ وزىق تەحنولوگيامەن جابدىقتالىپ، حالىقارالىق ستاندارتتارعا ساي بولۋى كەرەك. ەڭ باستىسى بارلىق جۇمىستى ۋاقىتىندا اياقتاۋ قاجەت، - دەدى پرەزيدەنت.
قۇرىلىسقا سالىنعان ينۆەستيتسيانىڭ جالپى كولەمى 200 ميلليون دوللاردان اسادى. جاڭا تەرمينال تەك حالىقارالىق باعىتتاعى رەيستەرگە، ال قازىرگىسى ىشكى رەيستەرگە قىزمەت كورسەتەدى. قۇرىلىس 2024 -جىلى جازدا اياقتالادى دەپ جوسپارلانعان.
