ارىستانبەك مۇحامەدي ۇلى ىسىنە مينيستر پىكىر ءبىلدىردى
«ارىستانبەك مۇحامەدي ۇلى بويىنشا تەرگەۋ مەن سوت ءوز ۇكىمىن شىعارادى دەپ ويلايمىن»، - دەپ جاۋاپ بەردى د. ابايەۆ ۇكىمەت ۇيىندە تىلشىلەر سۇراعىنا.
جۋرناليستەر ارىستانبەك مۇحامەدي ۇلىنان بولەك، بىرنەشە ادامنىڭ كۇدىككە ىلىنگەنىن ايتىپ، ەگەر ولاردىڭ كىناسى راستالسا، مينيستر وتستاۆكاعا كەتۋگە دايىن با دەپ سۇرادى.
«ەگەر بۇل جىمقىرۋلار مەن باسشىلىق ەتكەن جىلدارى بولسا، وندا مەن وتستاۆكاعا كەتۋگە دايىنمىن. قاشان بولعانىن سىبايلاس جەمقورلىققا قارسى ءىس- قيمىل اگەنتتىگىنەن سۇراعان ءجون»، - دەپ جاۋاپ بەردى داۋرەن ابايەۆ.
ايتا كەتەيىك، ارىستانبەك مۇحامەدي ۇلى قازىر قاماۋدا وتىر. ول ءىرى كولەمدە قاراجات جىمقىردى دەپ ايىپتالۋدا.
«نۇر- سۇلتان قالاسى بويىنشا سىبايلاس جەمقورلىققا قارسى قىزمەت «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا قازاقستان رەسپۋبليكاسى ۇلتتىق مۋزەيىنىڭ لاۋازىمدى ادامدارىنا جانە باسقا دا تۇلعالارعا بيۋدجەت قاراجاتىن جىمقىرۋ بەلگىلەرى بويىنشا 146 ميلليون تەڭگە سوماسىندا سوتقا دەيىنگى تەرگەپ- تەكسەرۋدى جۇرگىزەدى»، دەپ جازدى ۆەدومستۆو.
اقپارات كوزى 2022 -جىلعى 28-مامىردا سوتتىڭ سانكتسياسىمەن ۇلتتىق مۋزەي ديرەكتورى ارىستانبەك مۇحامەدي ۇلىنا قاتىستى كۇزەتپەن ۇستاۋ شاراسى تاڭدالعانىن مالىمدەدى.
