شايدى دۇرىس ىشپەۋ قاتەرلى ىسىككە اكەلۋى مۇمكىن - دارىگەر
پروفەسسوردىڭ ايتۋىنشا، شايدى قايناتقان كەزدە جوعارى تەمپەراتۋراعا جەتكىزبەۋ كەرەك.
«شايدى ۇزاق قايناتسا قۇرامى وزگەرىپ، زيان بولا باستايدى. تۇركيانىڭ ەرزۋرۋم، ارداحان، كارس سياقتى ايماقتارىندا شايدى ىستىقتاي ءىشۋ كەڭىنەن تاراعاندىقتان وڭەش ىسىگى اۋرۋى دا ءجيى كەزدەسەدى»، - دەيدى دارىگەر.
مامان قانت پەن تاتتىلەردى شايعا سالۋعا بولمايتىنىن جانە تاماق ءىشىپ وتىرىپ نەمەسە تاماقتان كەيىن بىردەن شاي ىشۋگە بولمايتىنىن ايتادى.
«قوسۋعا بولاتىن جالعىز نارسە - شايدىڭ انتيوكسيدانتتىق بەلسەندىلىگىن ارتتىراتىن جانە ونى پايدالى سۋسىنعا اينالدىراتىن ليمون شىرىنى. قان ازدىق سياقتى ماسەلەلەرگە تاماق ءىشىپ بولعاننان كەيىنگى ءبىر ساعاتتا ليمون قوسىلعان ءالسىز شاي ءىشۋ پايدالى»، - دەدى ول.
