تالدىقورعاندا زيالى قاۋىم وكىلدەرى ءىلياستىڭ ەسكەرتكىشىنە گۇل شوقتارىن قويدى

ەسكە الۋ جيىنىنا اقىننىڭ نەمەرە قارىنداسى نۇرپان جانسۇگىروۆا دا كەلىپ، ەستە قالعان ساتتەرىمەن ءبولىستى، - دەپ حابارلايدى قازاقپارات ءتىلشىسى.

«اكەم جالقاۋ بولاتىن. ءىلياس جانسۇگىروۆ سەن جالقاۋلىققا بوي الدىرما دەپ اكەمدى ءۇش كلاس ءبىلىم الۋعا سەپتىگىن تيگىزدى. كەيىن شوپىردىڭ وقۋىن وقىتتى. ول كەزدە ەڭ تەز مەڭگەرەتىن ماماندىق جۇرگىزۋشى بولاتىن. سودان اكەم 60 جىل كولىك جۇرگىزدى. قانداي جاقسى، قانداي ءبىلىمدى، قانداي اقىلدى ادامداردىڭ ءبارى ءىلياس اتامىز سياقتى كەتتى عوي. ىلياسپەن ساكەن سەيفۋللين، بەيىمبەت مايلين بىرگە جۇرگەن. ۇشەۋى جولداس بولعان ەكەن»، - دەدى ءىلياس جانسۇگىروۆتىڭ نەمەرە قارىنداسى نۇرپان جانسۇگىروۆا.

الاش ارىسى، سۋرەتكەر اقىن ءى. جانسۇگىروۆ 1937 -جىلى تۇتقىندالىپ، جارتى جىل اباقتىدا ازاپتالدى. ال اقپاندا وققا ۇشتى. عالىمداردىڭ ايتۋىنشا ءىلياس جانسۇگىروۆتىڭ ناقتى قاي جەردە جەرلەنگەنى ءالى بەلگىسىز. ال جاڭالىق اۋىلىنىڭ ماڭىندا جاتىر دەگەن تەك بولجام عانا.

ءىلياس تانۋشىلار قالامگەردىڭ شىعارماشىلىعى مەن ءومىرى ءالى دە تەرەڭ زەرتتەۋدى قاجەت ەتەدى دەگەن پىكىردە. جالپى، الماتى وبلىسىندا 8 مىڭنان استام ادام جازىقسىزدان جازىقسىز اتىلىپ كەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى