مەملەكەت - جەكەمەنشىك ارىپتەستىگىنىڭ بۇكىل راسىمدەرى ونلاين فوماتقا اۋىستىرىلادى
بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ءماجىلىس دەپۋتتارىنىڭ ساۋالىنا جولداعان جاۋابىندا ايتتى، دەپ حابارلايدى قازاقپارات ءتىلشىسى.
«قازىرگى تاڭدا مەملەكەت-جەكەمەنشىك ارىپتەستىگى پروتسەستەرىن سيفرلاندىرۋ، بارلىق راسىمدەردى ونلاين پلاتفورماعا كەزەڭ-كەزەڭىمەن كوشىرۋ بويىنشا جۇمىس جۇرگىزىلۋدە، بۇل شەكتەۋسىز تۇلعالار توبى ءۇشىن م ج ءا 4 جوسپارلاۋدىڭ بارلىق پروتسەستەرىنىڭ تولىق قولجەتىمدىلىگىن قامتاماسىز ەتەدى. سونىمەن قاتار، ۆەدومستۆوارالىق جوبالىق توپتىڭ قۇرامىنا ءوزىن-ءوزى رەتتەيتىن ۇيىمداردىڭ وكىلدەرىن، دەپۋتاتتار مەن ب ا ق- تى ەنگىزۋ تۋرالى ۇسىنىستى مينيسترلىك ءمجا تۋرالى زاڭناماعا جاڭا تۇزەتۋلەر قالىپتاستىرۋ شەڭبەرىندە قارايتىن بولادى»، - دەپ جازىلعان ءمينيستردىڭ جاۋابىندا.
ونىڭ ايتۋىنشا، مەملەكەت-جەكەمەنشىك ارىپتەستىگى اياسىنداعى جوبالاردى جوسپارلاۋ كەزەڭىندە الەۋەتتى مەملەكەتتىك ارىپتەستىڭ جوبانى باسقارۋ ساپاسىن قامتاماسىز ەتۋ ءۇشىن ۆەدومستۆولىق باعىنىستى ۇيىمداردىڭ ماماندارىن، تاۋەلسىز ساراپشىلاردى، جوبالىق، ينجينيرينگتىك جانە باسقا كومپانيالاردى، مۇددەلى جانە ۋاكىلەتتى مەملەكەتتىك ورگانداردى، «اتامەكەن» ۇلتتىق كاسىپكەرلىك پالاتاسىنىڭ وكىلدەرىن، كاسىپكەرلىك سۋبەكتىلەرىن تارتۋ ارقىلى ۆەدومستۆوارالىق جوبالىق توپ قۇراتىنى كوزدەلگەن.
ول ۆەدومستۆوارالىق توپتىڭ قۇزىرەتىنە مىنانداي فۋنكسيالار بەرىلمەك:
- م ج ءا جوباسىن ىسكە اسىرۋ تەتىكتەرى بويىنشا ۇسىنىستار مەن باستامالاردى زەردەلەۋ؛
- م ج ءا جوباسىن جۇزەگە اسىرۋ ءتاسىلىن، كونكۋرس ءتۇرىن، جەر ۋچاسكەلەرىن بولۋمەن، ينجەنەرلىك جەلىلەرگە قوسىلۋمەن بايلانىستى ماسەلەلەردى ىرىكتەيدى، باعالايدى، باسىمدىعىن ايكىنداۋ؛
- حاتتاماعا قول قويۋ ارقىلى م ج ءا جوباسىن ىسكە اسىرۋدىڭ ورىندىلىعى نە ورىندىلىعىنىڭ جوقتىعى تۋرالى ۇسىنىمدار قابىلداۋ؛
- جوسپارلانعان م ج ءا جوباسى بويىنشا ماركەتينگتىك جانە وزگە دە زەرتتەۋلەردىڭ ناتيجەلەرىن زەردەلەۋ؛
- بارلىق قاجەتتى ەسەپتەۋلەردى، ونىڭ ىشىندە م ج ءا جوباسىنىڭ الدىن الا ەسەپتەۋلەرىن زەردەلەيدى؛
- كونكۋرستىق قۇجاتتاماعا ەنگىزۋ ءۇشىن ۇسىنىستار قالىپتاستىرۋ؛
- م ج ءا جوباسىن جوسپارلاۋ كەزەڭىنەن باستاپ ءمجا شارتىن جاساسۋ كەزەڭىنە دەيىن م ج ءا جوباسىن دايىنداۋعا تارتىلعان ادامداردىڭ ەسەپتەرىن تىڭداۋ؛
- كەلىسۋشى ۋاكىلەتتى ورگاندار مەن ۇيىمداردان ەسكەرتۋلەر الۋ شاماسىنا قاراي م ج ءا جوباسىنىڭ كونكۋرستىق قۇجاتتاماسىن كەلىسۋ جانە ساراپتاۋ پروتسەسى بارىسىندا پىسىقتاۋدى جۇزەگە اسىرۋ؛
- م ج ءا كونكۋرستىق قۇجاتتاماسىن قاراۋ، كەلىسۋ، ساراپتاۋ جانە بەكىتۋدەن ءوتۋ مەرزىمدەرى مەن راسىمدەرىنىڭ ساقتالۋىن قاداعالاۋ.
بۇعان دەيىن الىبەك قۋانتىروۆ تەمەكىگە سالىناتىن اكتسيز كەزەڭ-كەزەڭىمەن كوتەرىلەتىنىن تۇسىندىرگەن ەدى.
