رەفەرەندۋم كۇنىندە كوروناۆيرۋستىڭ تارالۋىنىڭ الدىن الۋ الگوريتمى بەكىتىلدى

ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەر ايجان ەسماعامبەتوۆانىڭ جاڭا قاۋلىسىنا سايكەس، رەفەرەندۋمدى وتكىزۋ كەزىندە:

1) ادامداردىڭ كوپ جينالۋىنا جول بەرمەي، الەۋمەتتىك قاشىقتىقتى ساقتاۋدى قامتاماسىز ەتە وتىرىپ، رەفەرەندۋمعا قاتىسۋشىلاردىڭ لەگىن رەتتەۋدى؛

2) ءۇي-جايلاردا جەلدەتكىش/اۋا باپتاۋ جۇيەلەرىنىڭ ءۇزىلىسسىز جۇمىس ىستەۋىن؛

3) اۋانى جاساندى جەلدەتۋ جۇيەسى بولماعان جاعدايدا ءۇي-جايلاردى جۇيەلى جەلدەتۋدى؛

4) داۋىس بەرۋ الدىندا جانە كۇنى بويى قاجەتتىلىگىنە قاراي ءۇي-جايلاردى جەلدەتۋدى؛

5) داۋىس بەرۋ الدىندا جانە كۇنى بويى قاجەتتىلىگىنە قاراي ءۇي-جايلاردى جۋۋ قۇرالدارىن قولدانا وتىرىپ تازالاۋ، ىلعالدى جيناۋ، دەزينفەكسيا جۇرگىزۋدى قامتاماسىز ەتۋ قاجەت.

اتالعان قاۋلىنىڭ ورىندالۋىن وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اكىمدەرى، باس مەملەكەتتىك سانيتاريالىق دارىگەرلەرى، اۋماقتىق رەفەرەندۋم كوميسسيالارى قامتاماسىز ەتۋى ءتيىس.

ايتا كەتەيىك، ورتالىق سايلاۋ كوميسسياسى 5- ماۋسىمدا وتەتىن رەسپۋبليكالىق رەفەرەندۋم كوميسسيالارىنىڭ قىزمەتى تۋرالى قاۋلى قابىلدادى. ۇگىتتەۋ جۇمىستارى رەفەرەندۋم تاعايىندالعان ساتتە باستالىپ، داۋىس بەرۋدىڭ اياقتالۋىنا ءبىر كۇن قالعاندا، ياعني 2022-جىلى 4- ماۋسىمدا ساعات 00:00 دە اياقتالادى.

وبلىستاردىڭ، نۇر-سۇلتان، الماتى، شىمكەنت قالالارى اكىمدىكتەرىنىڭ، رەسپۋبليكا بويىنشا جەرگىلىكتى اتقارۋشى ورگانداردىڭ وكىلدەرى ۇسىنعان مالىمەتتەر مەن ەسەپتەرگە سايكەس، داۋىس بەرۋشىلەردىڭ تىزىمىنە 11722536 ادام ەنگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى