ايجان ەسماعامبەتوۆا رەفەرەندۋم كۇنىندەگى قاۋىپسىزدىك ءىس-شارالارىن اتادى

«رەسپۋبليكادا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى. تاۋلىگىنە 10 جاعدايعا دەيىن تىركەلۋدە. ەپيدەميولوگيالىق جاعدايدى باعالاۋ ماتريتساسىنا سايكەس، 3- ناۋرىزدان باستاپ رەسپۋبليكا جانە بارلىق وڭىرلەر جاسىل ايماقتا. ەلدەگى تۇراقتى ەپيدەميولوگيالىق جاعدايدى ەسكەرە وتىرىپ، بارلىق كارانتيندىك شەكتەۋلەر الىندى»، - دەدى ۆيتسە-مينيستر ورتالىق سايلاۋ كوميسسياسىنىڭ وتىرىسى بارىسىندا.

سونىمەن قاتار ول رەفەرەندۋم وتكىزۋ كەزىندە قانداي الدىن الۋ ءىس-شارالارىن قامتاماسىز ەتۋ قاجەتتىگىنە توقتالدى.

«ونىڭ ىشىندە: ادامداردىڭ كوپ جينالۋىنا جول بەرمەي، الەۋمەتتىك قاشىقتىقتى ساقتاپ، رەفەرەندۋمعا قاتىسۋشىلاردىڭ توبىن رەتتەۋ؛ بولمەلەردە جەلدەتكىش نەمەسە اۋا باپتاۋ جۇيەلەرىنىڭ ءۇزىلىسسىز جۇمىس ىستەۋىن قامتاماسىز ەتۋ؛ اۋانى جاساندى جەلدەتۋ جۇيەسى بولماعاندا بولمەلەردى جۇيەلى جەلدەتۋ؛ داۋىس بەرۋ الدىندا جانە كۇنى بويى قاجەتتىلىگىنە قاراي بولمەلەردى جەلدەتۋ جانە دەزينفەكتسيا جۇرگىزۋ. كورسەتىلگەن ءىس- شارالاردى ىسكە اسىرۋ ەلدەگى تۇراقتى ەپيدەميولوگيالىق جاعدايدى ساقتاۋعا مۇمكىندىك بەرەدى. اتالعان الدىن الۋ ءىس-شارالارى باس مەملەكەتتىك سانيتاريالىق دارىگەردىڭ بۇگىن وسى وتىرىستا كەلىسۋگە شىعارىلاتىن قاۋلىسىنىڭ جوباسىندا جازىلعان»، - دەدى ايجان ەسماعامبەتوۆا.

وتىرىس بارىسىندا ق ر باس مەملەكەتتىك سانيتاريالىق دارىگەرىنىڭ ارناۋلى قاۋلىسى ءبىراۋىزدان قابىلداندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى