رەفەرەندۋمعا شىعارىلاتىن ۇسىنىستار كوسمەتيكالىق وزگەرىس ەمەس - ماۋلەن اشىمبايەۆ
«قازاقستان ازاماتتارى كونستيتۋتسياعا ەنگىزىلىپ جاتقان وزگەرىستەردى قولداپ جاتسا، ەلىمىزدىڭ دامۋىندا جاڭا ءبىر كەزەڭ باستالادى دەپ ايتۋعا تولىق نەگىز بار. ويتكەنى بۇل وزگەرىستەر - كوسمەتيكالىق وزگەرىستەر ەمەس»، - دەدى ماۋلەن اشىمبايەۆ سۇحبات ب
ارىسىندا.
ونىڭ پايىمىنشا، رەفەرەندۋمعا شىعارىلىپ وتىرعان ۇسىنىستاردى ءتورت توپقا ءبولىپ قاراۋ ورىندى.
«بىرىنشىدەن، بۇل ەندى ادام قۇقىقتارىن قامتاماسىز ەتۋگە باعىتتالاتىن وزگەرىستەر. ءبىزدىڭ ساياساتىمىزدىڭ، مەملەكەتىمىزدىڭ ساياساتىنىڭ نەگىزگى ماقساتى - حالىقتىڭ جاعدايىن جاقسارتۋ جانە قۇقىقتارىن قامتاماسىز ەتۋ.
ەكىنشى باعىت - پارلامەنت جۇمىسىنىڭ تيىمدىلىگىن ارتتىرۋ جانە ساياسي جۇيەمىزدەگى پارلامەنتتىڭ ءرولىن كۇشەيتۋگە باعىتتالعان وزگەرىستەر. ونىڭ ىشىندە ەكى پالاتانىڭ اراسىنداعى قارىم-قاتىناستارعا بايلانىستى، ولاردى جەتىلدىرۋگە ارنالعان نورمالار بار. ولاردىڭ نەگىزگى ماقساتى - زاڭ شىعارۋ پروتسەسىن ءارى قاراي جاقسارتۋ، تيىمدىلىگىن ارتتىرۋ. زاڭ جوبالارىن تەزىرەك قاراۋ، تەزىرەك قابىلداۋ، جان-جاقتى پىسىقتاۋ. وسىعان ارناۋلى نورمالار ۇسىنىلىپ وتىر»، - دەگەن سەنات سپيكەرى ءۇشىنشى باعىت تۇتاستاي جەرگىلىكتى اكىمدىكتەردىڭ جۇمىسىن جەتىلدىرۋگە ارنالىپ وتىرعانىنا نازار اۋداردى.
«حالىقتىڭ ءال-اۋقاتى، جاعدايى جەرگىلىكتى مەملەكەتتىك ورگانداردىڭ، اكىمدەردىڭ، ءماسليحاتتاردىڭ ءتيىمدى جۇمىس ىستەۋىنە تىكەلە بايلانىستى. سونىڭ اياسىندا وبلىس اكىمدەرىن تاعايىنداۋ پروتسەسى وزگەرىپ جاتقانىن بىلەسىزدەر. پرەزيەنتتىڭ ۇسىنىسى بويىنشا، كونستيتۋتسياعا ۇسىنىلعان وزگەرىستەر قابىلدانسا، وبلىستار مەن رەسپۋبليكالىق ماڭىزى بار قالالاردىڭ اكىمدەرى ءماسليحات دەپۋتاتتارى سايلاعان كەزدە پرەزيدەنت مىندەتتى تۇردە ەكى ادامنىڭ كانديداتۋراسىن ۇسىنادى. مۇنى ەندى تۋرا سايلاۋ دەپ ايتۋعا بولمايتىن شىعار. ءبىراق سايلاۋ پروتسەستەرىنىڭ ەلەمەنتتەرى ەنگىزىلىپ، جاڭاشا تاعايىنداۋ مەحانيزمى ۇسىنىلىپ وتىر. سوندىقتان بۇل مەحانيزمنىڭ نەگىزگى ماعىناسى - حالىقتىڭ پىكىرىن ەسكەرۋ»، - دەدى سەنات ءتوراعاسى.
ايتا كەتەيىك، بۇگىن «ەۆرازيا» ارناسىندا ساعات 10:00 دە، «حابار» - 12:45 تە، «Qazaqstan» - 16:05 تە، «Qazaq TV» - 20:15 تە، «الماتى» - 20:35 تە رەفەرەندۋم تۋرالى دەرەكتى فيلم كورسەتىلىپ جاتىر.
