الەمدىك دەڭگەيدەگى شىعارماشىلىق بايقاۋ جەڭىمپازدارى ۇ ب ت- سىز ءبىلىم گرانتىن الادى

وسىعان قاتىستى ءتيىستى بۇيرىققا ءبىلىم جانە عىلىم ءمينيسترى اسحات ايماعامبەتوۆ قول قويدى، دەپ حابارلايدى قازاقپارات. «حالىقارالىق وليمپيادالاردىڭ، سپورتتىق جانە شىعارماشىلىق بايقاۋلاردىڭ تىزبەسىن بەكىتۋ تۋرالى بۇيرىققا قول قويدىم. بۇگىن ءبىلىم جانە عىلىم مينيسترلىگى دۇنيەجۇزىلىك گيمنازيادا - 2022 ءنىڭ جەڭىمپازدارى مەن جۇلدەگەرلەرىن ماراپاتتاۋ ءراسىمىن وتكىزەدى. وقۋشىلارىمىز الەمنىڭ 70 تەن استام ەلىنەن كەلگەن جاسوسپىرىمدەردى باسىپ وزىپ، 86 مەدال جەڭىپ الدى. وسىلايشا ۇلتتىق قۇرامامىز Ⅲ ورىندى يەلەنگەن بولاتىن. ەندى ولار ءبىرىنشى بولىپ ج و و- دا وقۋ ءۇشىن گرانتتار الادى. جاس دارىندار مەملەكەت باسشىسىنىڭ شەشىمى ارقاسىندا وسىنداي قولداۋعا يە بولىپ وتىر»، - دەپ جازدى مينيستر جەلىدەگى پاراقشاسىندا.

ەسكە سالساق، حالىقارالىق وليمپيادادا جەڭىمپاز بولعان وقۋشىلارعا اقشالاي سىياقى بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى