قاسكەلەڭدە تۇرعىن ءۇي جانىنان ەر ادامنىڭ ءمايىتى تابىلدى

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ەر ادامدى ءولتىردى دەگەن كۇدىكپەن تاكسي جۇرگىزۋشىسى ۇستالدى.

«29- مامىر كۇنى ساعات 17:00 شاماسىندا قاراساي اۋداندىق پوليتسياسىنا «قارلىعاش» تۇرعىن ءۇي كەشەنىنىڭ شلاگباۋمنان شىعا بەرىس تۇسىندا ەر ادامنىڭ مۇردەسى جاتقانى حابارلاندى. ءتارتىپ ساقشىلارى بىردەن وقيعا ورنىنا جەتىپ، 1976 -جىلعى قاسكەلەڭ قالاسىنىڭ تۇرعىنىن ۇستادى. كۇدىكتى جابىرلەنۋشىمەن جانجالداسىپ قالعانىن، سوڭىندا وعان بۇراعىشتى جۇرەك تۇسىنا تىعىپ العانىن مويىندادى. ەر ادام العان جاراقاتىنان وقيعا ورنىندا كوز جۇمعان»، - دەلىنگەن ۆەدومستۆونىڭ حابارلاماسىندا.

قازىر كۇدىكتى قاماۋدا. ايعاق زاتتار تاركىلەنىپ، قىلمىستىق ءىس تەرگەلىپ جاتىر.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى