پاۆلوداردا بەيمالىم زاتتان ۋلانعان التىنشى ادام قايتىس بولدى

«كەشە تاڭەرتەڭ ەرتىس اۋداندىق اۋرۋحاناسىندا تاعى ءبىر پاتسيەنت قايتىس بولدى. ەكىنشى سىرقاتتىڭ جاعدايى اۋىر»، - دەلىنگەن باسپا ءسوز قىزمەتى تاراتقان اقپاراتتا.

حابارلامادا ايتىلعانداي، بەلگىسىز زاتتان ۋلانىپ قايتىس بولعانداردىڭ دەنەسىنەن زورلىق- زومبىلىق، كۇش كورسەتۋ بەلگىلەرى بايقالماعان.

«سوت- مەديتسينالىق ساراپتامالار تاعايىندالدى. ولاردىڭ ناتيجەسى بويىنشا پروتسەستىك شەشىم قابىلدانادى»، - دەيدى اتالعان مەكەمەدەن.

ايتا كەتەيىك، بەلگىسىز زاتتان ۋلانعانداردىڭ بارلىعى - ەر ادامدار. بۇعان دەيىن حابارلاعانىمىزداي، پاۆلودار وبلىسىندا بەلگىسىز زاتتان 7 ادام ۋلانىپ، بەسەۋى قايتىس بولدى. ول تۋرالى اقپاراتتى وبلىستىق دەنساۋلىق ساقتاۋ باسقارماسى تاراتتى.

«بارلىعى 7 ادام زارداپ شەكتى. ونىڭ 3- ءى ۇيىندە قايتىس بولدى. قالعان 4 ادام ەرتىس اۋداندىق اۋرۋحاناسىنا جەتكىزىلدى» - دەگەن ەدى اتالعان ۆەدومستۆودان.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى