استانالىقتار «مۋزەي ءتۇنىن» مەرەكەلەۋدى باستاپ كەتتى

بيىل ءداستۇرلى، مادەني- تانىمدىق شارا «مۋزەي قۇدىرەتى» اتتى تاقىرىپتا ءوتىپ جاتىر. قالا تۇرعىندارى مەن قوناقتارى ساعات 18:00 دەن باستاپ، تۇنگى 00:00 گە دەيىن ۇلتتىق مۋزەي جادىگەرلەرىن تەگىن تاماشالاي الادى.

سونىمەن قاتار حالىقارالىق «مۋزەي ءتۇنى» اياسىندا ءتۇرلى مادەني- تانىمدىق شارالار ۇيىمداستىرىلعان. اتالعان شارانىڭ ماقساتى - مادەني قۇندىلىقتاردى، حالقىمىزدىڭ تاريحىن، مادەنيەتىن ءبىر كەڭىستىككە بىرىكتىرە وتىرىپ، ءارتۇرلى جانر مەن ستيلدەگى ونەر تۋىندىلارىن كوپشىلىك نازارىنا ۇسىنۋ.

«بۇگىنگى شارا اياسىندا ەرەكشە مازمۇندا ءۇش بىردەي كورمە اشىلادى. ول - وتاندىق سۋرەتشىلەردىڭ تۋىندىلارى، مۋزەي قورىنىڭ كارتوگرافيالىق كورمەسى جانە قولونەر شەبەرلەرىنىڭ ەڭبەكتەرى. «مۋزەي ءتۇنى» تۇنگى ساعات 00:00 گە دەيىن جالعاسادى. سونىمەن قاتار بالالارعا ارنالعان تانىمدىق شارا ۇيىمداستىرىلادى. مۋزەي قىزمەتكەرلەرى بالالارعا ارنالعان ويىندار مەن ۆيكتورينالىق سايىستار وتكىزەدى. قۇندى جادىگەرلەردى قالپىنا كەلتىرۋ پروتسەسى كورسەتىلەدى»، - دەدى ق ر ۇلتتىق مۋزەيى ديرەكتورىنىڭ ورىنباسارى اباي ساتىبالدين.

ايتا كەتەيىك، بۇگىن - حالىقارالىق مۋزەي ءتۇنى. وسىعان وراي الەم ەلدەرىندە ايتۋلى مەرەكە كەڭ كولەمدە اتالىپ وتىلەدى.

ەسكە سالا كەتسەك، پاندەمياعا بايلانىستى سوڭعى ەكى جىل بويى «مۋزەي ءتۇنى» شاراسى ونلاين فورماتتا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى