قازاقستاندا قانشا ادام جۇمىسسىز؟

2022 -جىلدىڭ ءبىرىنشى توقسانىندا قازاقستان ەكونوميكاسىنىڭ ءتۇرلى سالالارىندا 8,8 ميلليون ادام جۇمىسپەن قامتىلعان، ونىڭ ىشىندە 6,7 ميلليون ادام جالدامالى جۇمىس ىستەگەن (ەكونوميكاداعى جۇمىسپەن قامتىلعانداردىڭ جالپى سانىنىڭ 76,1 پايىزى)، ءوزىن-ءوزى جۇمىسپەن قامتىعاندار - 2,1 ميلليون ادام (جۇمىسپەن قامتىلعانداردىڭ جالپى سانىنىڭ 23,9 پايىزى).

2021 -جىلدىڭ I توقسانىمەن سالىستىرعاندا جالپى جۇمىسپەن قامتىلعاندار 35,2 مىڭ ادامعا ءوستى، نەگىزىنەن جالدامالى قىزمەتكەرلەر ەسەبىنەن (30,8 مىڭ ادام).

«جۇمىسسىزدار سانى 453,1 مىڭ ادام. جۇمىسسىزدىق دەڭگەيى وزگەرىسسىز - 4,9 پايىز. جۇمىسسىز، جۇمىس ىزدەمەگەن نەمەسە جۇمىس ىستەۋگە دايىن ەمەس 63,1 مىڭ ادام»، - دەپ حابارلادى بيۋرو.

15 پەن 28 جاس ارالىعىنداعى جاستار اراسىنداعى جۇمىسسىزدىق دەڭگەيى 3,9 پايىز، جۇمىس ىستەمەيتىن جانە بىلىممەن نەمەسە وقۋمەن اينالىسپايتىن جاستار ۇلەسى 6,7 پايىز.

2022 -جىلدىڭ ءساۋىر ايىنىڭ سوڭىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسپەن قامتۋ ورگاندارىندا 193 مىڭ جۇمىسسىز تىركەلگەن.

انىقتاما: حالىقارالىق ەڭبەك ۇيىمىنىڭ ءادىسناماسى بويىنشا جۇمىسسىزدار - بۇل جۇمىسى جوق، ونى بەلسەندى ىزدەگەن جانە وعان كىرىسۋگە دايىن ادامدار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى