اقمولاداعى جول-كولىك وقيعالارى سانىنىڭ ءوسۋى جىلدامدىقتى اسىرۋدان بولعان - ۆيتسە-مينيستر
ۆەدومستۆونىڭ مالىمەتىنشە، بۇل تۋرالى ىشكى ىستەر ءمينيسترىنىڭ ورىنباسارى ەرجان سادەنوۆ قاتىسقان اپپارات جيىنىندا ايتىلدى.
«جىلدامدىق رەجيمىنىڭ اسىرىلۋىنان تۋعان توتەنشە وقيعالار جالپى ستاتيستيكانىڭ %60 نان استامىن قۇرايدى. ال اپاتتىلىقتى تومەندەتۋ - پوليتسيا الدىندا تۇرعان نەگىزگى مىندەتتەردىڭ ءبىرى. وسى ماسەلەنى ەگجەي-تەگجەيلى تالقىلاۋ كەزىندە اپاتتى جاعدايدى تۇراقتاندىرۋ بويىنشا ۇسىنىستار، ونىڭ ىشىندە پاترۋلدەۋ باعىتتارىن وزگەرتۋ، سيفرلىق تەحنولوگيالاردى پايدالانۋ جانە بەينەباقىلاۋ جۇيەلەرىن ينتەگراتسيالاۋ بويىنشا ۇسىنىستار قارالدى»، - دەگەن ۆيتسە-مينيستر.
ايتا كەتۋ كەرەك، اقمولالىق پوليتسەيلەر كۇندەلىكتى قىزمەتىندە 40-تان استام اۆتوماتتى جۇيەنى كەڭىنەن قولدانادى، ولاردا 20 مىڭنان استام جول قوزعالىسى ەرەجەلەرىن بۇزۋ تىركەلگەن جانە جولى كەسىلگەن.
«اپاتتىلىقتى تومەندەتۋ جانە جول ينفراقۇرىلىمىنىڭ سايكەستىگىن تەكسەرۋ ءۇشىن 900-دەن استام جول تەكسەرىلدى، 109 لاۋازىمدى تۇلعا جاۋاپكەرشىلىككە تارتىلدى»، - دەپ جازىلعان حابارلامادا.
