گولوۆكين مەن «كانەلو» اراسىنداعى ءۇشىنشى كەزدەسۋ قاشان وتەتىنى ايتىلدى

بۇل تۋرالى وتانداسىمىزدىڭ بۇرىنعى قارسىلاسى امەريكالىق كەرتيس ستيۆەنس ايتتى.

«ءبىز ءۇشىنشى ايقاستى كورگىمىز كەلەدى. ءبىرىنشى كەزدەسۋدە تەڭ ناتيجە تىركەلدى، دۇرىس پا؟ ەكىنشى جەكپە-جەكتە «كانەلونىڭ» مەرەيى ۇستەم بولدى. ەندى ءۇشىنشى كەزدەسۋ ءوتۋ كەرەك. قىركۇيەكتە الۆارەس بيۆولمەن جولىعادى. سوسىن جەلتوقسان ايىندا ول گولوۆكينمەن جۇدىرىقتاسۋى ءتيىس»، - دەدى ستيۆەنس FightHype.com پورتالىنا بەرگەن سۇقباتىندا.

ايتا كەتەيىك، نەگىزى گولوۆكين مەن «كانەلو» اراسىنداعى ءۇشىنشى جەكپە-جەك قىركۇيەك ايىنا جوسپارلانعان ەدى. ءبىراق مەكسيكالىق 8- مامىر كۇنى دميتري بيۆولدان (20-0، 11 ك و) ۇتىلىپ، قىركۇيەكتە رەسەيلىك بوكسشىدان ريەۆانش وتكىزۋدى سۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى