نۇر-سۇلتاندا قىزدى امان الىپ قالعان ەر ادامنىڭ وتباسىن شەكاراشىلار قۇتتىقتادى

«11-مامىرىندا ءسابيت شونتاقبايەۆ نۇر-سۇلتان قالاسىندا بىرەۋدىڭ قايعىسىنا بەيجاي قاراماي، ءولىم اۋزىندا تۇرعان 3 جاسار بالانىڭ ءومىرىن قۇتقارىپ قالدى»، - دەدى باسپا ءسوز قىزمەتى وكىلدەرى.

ۆەدومستۆو مالىمەتىنشە، بۇعان دەيىن ءسابيت قىزىلوردا وبلىسى بويىنشا ۇ ق ك شەكارا قىزمەتى دەپارتامەنتىندە قىزمەت ەتكەن.

«راسىمەن دە، شونتاقبايەۆ قىزمەتتە سپورتپەن بەلسەندى اينالىسقان. كۇندەلىكتى دەنە شىنىقتىرۋ جانە شىنىعۋ ەرىك-جىگەر مەن جاۋاپكەرشىلىك سەزىمىن قالىپتاستىرادى. ول ەل شەبىن قورعاۋعا، تۇرعىنداردىڭ بەيبىت ءومىرىن ساقتاۋعا ءاردايىم شىڭدالدى. زاپاسقا شىقسا دا، شەكاراشى بولۋىن توقتاتقان جوق. سول سەبەپتى دە، سول كۇنى ءسابيت جاي قاراپ تۇرا المادى»، - دەدى ۆەدومستۆو وكىلى.

وقيعانى ەستىگەن ارىپتەستەرى ونىڭ يگىلىكتى دە باتىل ارەكەتى ءۇشىن العىس ايتۋعا باتىردىڭ شاڭىراعىنا اسىققان.

سول كۇنى شونتاقبايەۆتار وتباسىندا قوناق كوپ بولدى. جۇبايىنىڭ تەلەفونىنا دا ۇزدىكسىز قوڭىراۋ تۇسكەن. بالالاردىڭ جۇزىنەن اكەسىنە دەگەن ماقتانىش بايقالادى.

«ۇ ق ك شەكارا قىزمەتىندە ۆەدومستۆو ماقتان تۇتاتىن باتىرلار بار. شەكارا كۇزەتشىلەرى تەڭىزدە اپاتقا ۇشىراعان ادامدارعا، ءشولدى دالادا، سۋ تاسقىنىندا، بوراندا، اداسقاندارعا تالاي كومەككە كەلدى. ويتكەنى ولار قىزمەتتەن تىس ۋاقىتتا دا شەكاراشى بولىپ قالا بەرەدى جانە ءارقاشان كومەك قولىن سوزۋعا دايىن»، - دەدى قىزىلوردا وبلىسى بويىنشا ۇ ق ك ش ق باسپا ءسوز قىزمەتى وكىلدەرى.

ەسكە سالايىق، نۇر-سۇلتاندا ەر ادام 8-قاباتتىڭ تەرەزەسىنەن قۇلاعالى تۇرعان قىزدى قاعىپ العانى حابارلانعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى