تۋروپەراتورلار اراب تۋريستەرىن قازاقستانعا شاقىردى
اتالعان كورمەگە تۋريزم باعىتى بويىنشا 12 قازاقستاندىق تۋروپەراتور قاتىسۋدا. بيىلعى جىلى رەسمي دەرەكتەر بويىنشا ا ت م كورمەسىنە 112 ەلدىڭ وكىلدەرى قاتىسىپ، 1500 ەكسپونەنتتىڭ ستەندتەرى قويىلدى. كورمەگە بارلىعى 20 مىڭنان استام ادام كەلەدى دەپ كۇتىلۋدە. قازاقستان دەلەگاتسياسى اراب نارىعىنا الماتى مەن نۇر- سۇلتان قالالارىنا بارىپ، ولاردىڭ ماڭايىندا ورنالاسقان ۇلتتىق پاركتەرگە ساياحاتتاۋدى، سونداي- اق ماڭعىستاۋ، تۇركىستان جانە باسقا دا وڭىرلەرگە ساپارلاردى ۇسىنادى.
قازاقستاندىق ستەندتىڭ اشىلۋىنا ق ر- نىڭ ب ا ءا- دەگى توتەنشە جانە وكىلەتتى ەلشىسى ماديار مەڭىلبەكوۆ، سونداي- اق ءبىرقاتار شەتەلدىك كومپانيالاردىڭ وكىلدەرى قاتىستى. قازاقستان ستەندىنىڭ ۇيىمداستىرۋشىلارى مەن وتاندىق تۋربيزنەس وكىلدەرىنىڭ ايتۋىنشا، تاياۋ شىعىس ەلدەرىنىڭ شىعۋ ءتۋريزمى ەڭ جىلدام دامىپ كەلە جاتقان نارىق بولىپ تابىلادى.
«بۇل پاندەميا كەزىندەگى ەكى جىلدىق ۇزىلىستەن كەيىن قازاقستاننىڭ ۇلتتىق ستەندىمەن قاتىسىپ وتىرعان العاشقى حالىقارالىق تۋريستىك كورمەمىز. ونىڭ ب ا ءا- دە ءوتۋى كەزدەيسوق ەمەس، سەبەبى ول ەلىمىز ءۇشىن تاياۋ شىعىستىڭ باسقا ەلدەرىمەن بىرگە تمد نارىعىنان كەيىنگى ماڭىزدى ماقساتتى نارىقتاردىڭ ءبىرى بولىپ تابىلادى»، - دەپ اتاپ ءوتتى Kazakh Tourism ۇلتتىق كومپانياسىنىڭ باسقارۋشى ديرەكتورى دانيەل سەرجان ۇلى.
وسىعان بايلانىستى قازاقستاننىڭ تۋريستىك الەۋەتىن وسى باعىتتا ىلگەرىلەتۋ كۇشەيتىلۋدە. مىسالى، وسىدان بۇرىن Kazakh Tourism قازاقستان ەلشىلىگىمەن بىرلەسىپ ساۋد ارابياسىنىڭ دجيددا، رياد جانە داممام قالالارىندا روۋد- شوۋ سەرياسىن ۇيىمداستىردى.
