قايتىس بولعان سارباز وقيعاسى بويىنشا شارا قابىلدانۋدا - قورعانىس مينيسترلىگى

«كۇدىكتى دە جاقىندا عانا اسكەري بورىشىن وتەۋگە كەلگەن جىگىت. مەن قازىر ولاردىڭ قانداي قارىم- قاتىناستا بولعانىنا جاۋاپ بەرە المايمىن. ونىڭ ۇستىنە ەكەۋى دە باتىس وڭىرلەردەن، بىرەۋى اتىراۋ وبلىسىنان، ەكىنشىسى ماڭعىستاۋ وبلىسىنان»، - دەپ جاۋاپ بەردى مينيسترلىك وكىلى ءماجىلىس وتىرىسىنان كەيىن تىلشىلەرگە بەرگەن سۇحباتىندا.

سپيكەر اتالعان وقيعا بويىنشا شارا قابىلدانىپ جاتقانىن ايتتى.

«قارۋلى كۇشتەردە ۇيىمداستىرۋشىلىق جانە تەحنيكالىق جاعىنان كوپتەگەن ءتۇرلى شارالار وتكىزىلەدى. تۇراقتى باقىلاۋ جاسالادى. بىزدە ءار بولىمدە، بولىمشەدە پسيحولوگيالىق باقىلاۋ جۇرگىزەتىن پسيحولوگتار ەنگىزىلگەن. اسكەري بولىمشەلەردە ءتۇرلى دارەجەدەگى كومانديرلەر تۇراقتى تۇردە باقىلاۋ جۇرگىزەدى. «جاۋىنگەر دوس» سياقتى ءبىر جولداس ەكىنشىسى ءۇشىن جاۋاپ بەرەتىن تاجىريبە ەنگىزىلدى. تەحنيكالىق تۇرعىدان ءبىز قازىر كازارمالاردا، جەكە قۇرام ورنالاسقان جەرلەردە بەينەباقىلاۋ جۇرگىزىپ جاتىرمىز. سونىمەن قاتار جەكە قۇراممەن تاربيە جۇمىسى دا جۇرگىزىلەدى. ءبىراق جاس جىگىت 18 جىل بويى ءوز وتباسىندا تاربيەلەنسە، وندا كەشىرىڭىز، ءبىز ونى ءبىر جىلدا تاربيەلەمەيمىز. ءبىزدىڭ باستى مىندەتىمىز - وعان وتانىن قورعاۋدى ۇيرەنۋ ءۇشىن اسكەري ماماندىقتىڭ نەگىزدەرىن ۇيرەتۋ. ول بالاباقشادا، مەكتەپتە جانە ەڭ باستىسى وتباسىندا تاربيەلەندى»، - دەدى س. قامالەتدينوۆ.

ەسكە سالا كەتەيىك، الىبەك قالباي جامبىل وبلىسىنداعى گۆاردەيسك اسكەري قالاشىعىنداعى گوسپيتالدە مەرزىمدى اسكەري قىزمەتكە شاقىرىلىپ، سول جەردە قايتىس بولدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى