كانادانىڭ پرەمەر- ءمينيسترى ۋكرايناعا ەسكەرتپەستەن باردى
تريۋدو يرپەن قالاسىنا دا تابان تىرەپ، بىرىككەن ۇلتتار ۇيىمى ازىق- تۇلىك باعدارلاماسى بويىنشا ۋكرايناعا 25 ميلليون دوللار بولەتىنىن مالىمدەدى. سونىمەن قاتار كەلەسى جىلدان باستاپ كيەۆتەن كەلەتىن بارلىق يمپورتتىق تاۋارلارعا ساۋدا تاريفىن الىپ تاستايتىنىن جەتكىزدى. كانادا پرەمەر- ءمينيسترى رەسەيدىڭ 40 ازاماتىنا سانكسيا سالاتىنىن دا جاريالادى. قارا تىزىمدە وليگارحتار بار.
دجاستين تريۋدو، كانادا پرەمەر- ءمينيسترى:
- ەۋروپاداعى جەڭىس كۇنىندە ءبىز ءبارىمىز فاشيزمگە قارسى جەڭىستى اتىپ ءوتىپ جاتقاندا، ۆلاديمير پۋتين وسى سوعىستا بوستاندىق ءۇشىن كۇرەسىپ، قازا تاپقان ميلليونداعان رەسەيلىكتەردىڭ رۋحىنا كىر كەلتىردى. ول ەندى نە ايتسا دا، تاريح پۋتيننىڭ كوپتەگەن ادامدار قۇربان بولعان ەڭ قاستەرلى قۇندىلىقتارعا قارسى شىققانىن ماڭگى ەستە ساقتاپ قالادى. پۋتين سۇمدىق سوعىس قىلمىستارىن جاساپ وتىر، ول سول ءۇشىن جاۋاپ بەرۋى ءتيىس. كانادا ادىلدىك ىزدەگەن ۋكراينا جاعىندا. رەسەي 73 كۇن بۇرىن باسقىنشىلىعىن باستاعان ساتتەن كانادا مەن كانادالىقتار تەك سىزدەردى قولداپ كەلەدى.
www.24.kz
