اۋىر اتلەت ايسامال سانسىزبايەۆا الەم چەمپيوناتىندا قولا جۇلدەگەر اتاندى

جارىستىڭ سوڭعى كۇنى قازاقستاندىق ايسامال سانسىزبايەۆا 87 كەلىدەن استام سالماقتا قولا جۇلدەگە قول جەتكىزدى. قازاقستاندىق اۋىر اتلەت قوسسايىس قورىتىندىسىندا 252 ك گ (سەرپە كوتەرۋدەن - 112 ك گ، جۇلقا كوتەرۋدەن - 140 ك گ) ناتيجە كورسەتتى.

بۇل سالماقتا وڭتۇستىك كورەيالىق حە چجون پارك 281 ك گ (120+161) كورسەتكىشپەن ۇزدىك شىقتى. تاعى ءبىر وڭتۇستىك كورەيالىق اتلەت حە ەن كيم قوسسايىس قورىتىندىسىندا 253 ك گ (108+145) كوتەرىپ، كۇمىس جۇلدەگە يە بولدى.

ەسكە سالا كەتەيىك، وسى بىرىنشىلىك بارىسىندا بۇدان بۇرىن الەكسەي چۋركين كۇمىس جۇلدەگەر اتانعانىن جازعان بولاتىنبىز. الەكسەي 73 كەلىگە دەيىنگى سالماقتا 329 (146+183) كەلىنى ىرقىنا كوندىردى. بارلىق التى مۇمكىندىگىنىڭ بەسەۋىن ءساتتى ورىندادى. بۇل سالماقتا يندونەزيالىق جۋليانسياح ريزحي توپ جارسا، امەريكالىق ريان ەنري ۇشتىكتى تۇيىندەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى