ورال تۇرعىنى ماس كۇيىندە پوليتسيا پۋنكتىن تاسپەن ۇرعان

بۇل كورىنىس الەۋمەتتىك جەلىگە جۇكتەلىپ، تاراپ كەتكەن. بەينەجازباعا ەر ادامنىڭ پوليتسيا پۋنكتىن تاسپەن ۇرىپ جاتقانى ءتۇسىپ قالعان. سوسىن ونى تاعى ءبىر ەر ادام كەلىپ، الىپ كەتكەن. ب ق و پوليتسيا دەپارتامەنتى باسپا ءسوز قىزمەتىنەن تۇسكەن مالىمەتكە قاراعاندا، وقيعا 9 -مامىر كۇنى ساعات شامامەن 09.30-دا، د. نۇرپەيىسوۆا كوشەسىندە بولدى.

ماس كۇيىندە جۇرگەن 44 جاستاعى ا دەگەن ەر ادام پوليتسيا پۋنكتىن كىرپىش تاسقا ۇقساس زاتپەن سوعىپ، زاقىم كەلتىرگەن. وسىلايشا، قوعامدىق ءتارتىپتى بۇزىپ، اينالاسىنداعى ادامداردى سىيلاماۋشىلىق تانىتقان.

«اتالعان ەر ادامعا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنا سايكەس حاتتاما تولتىرىلدى»، دەپ حابارلادى ۆەدومستۆودان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى