الماتىلىقتار جەڭىس كۇنىن ءسان-سالتاناتىمەن تويلاپ جاتىر

مەرەكە تاڭعى ساعات 9.30 دا 28 - گۆاردياشىل-پانفيلوۆشىلار اتىنداعى ساياباقتا ماڭگىلىك الاۋعا گۇل شوقتارىن قويۋدان باستالدى.

وسى ساياباقتا قازاقستاندىق زاماناۋي اسكەري تەحنيكا مەن قارۋ-جاراقتىڭ كورمەسى ءوتىپ جاتىر.

بۇدان بولەك، ەكىنشى دۇنيەجۇزىلىك سوعىس ارداگەرلەرى مەن تىل ەڭبەككەرلەرىنە اسكەري-دالالىق اس مازىرىمەن مەرەكەلىك تۇسكى اس بەرىلىپ، كونسەرت ۇيىمداستىرىلدى. سونداي-اق قالا تۇرعىندارى «باتىرلارعا تاعزىم» اكسياسى اياسىندا ورتالىق مادەنيەت جانە دەمالىس ساياباعىنان 28 - گۆاردياشىل-پانفيلوۆشىلار اتىنداعى ساياباققا دەيىن مايدانگەر اتا-اجەلەرىنىڭ سۋرەتتەرىن ۇستاپ ءجۇرىپ ءوتتى.

ايتا كەتەيىك، الماتىدا مەرەكەلىك ءىس-شارالار قالانىڭ باسقا اۋداندارىندا دا ءوتىپ جاتىر.

بۇگىن قازاقستاندىقتاردى جەڭىس كۇنى مەرەكەسىمەن مەملەكەت باسشىسى قاسىم-جومارت توقايەۆ پەن ق ر تۇڭعىش پرەزيدەنتى نۇرسۇلتان نازاربايەۆ قۇتتىقتادى.

مەملەكەت باسشىسى ەلوردادا «وتان انا» مونۋمەنتىنە گۇل شوقتارىن قويۋ راسىمىنە قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى