گولوۆكين مەن كانەلونىڭ ءۇشىنشى ايقاسى كەيىنگە قالدى

لاس-ۆەگاستا (ا ق ش) جەڭىلىپ كورمەگەن WBA چەمپيونى، رەسەيلىك دميتري بيۆول (19-0، 11 KO) مەن ەكىنشى ورتا سالماقتاعى ابسوليۋتتى الەم چەمپيونى، مەكسيكالىق ساۋل الۆارەستىڭ (57-1-2، 39 KO) ايقاسى ءوتتى.

جەكپە-جەك رەسەيلىكتىڭ جەڭىسىمەن اياقتالدى. بۇل رەسەيلىك چەمپيوننىڭ مانسابىنداعى 20-سىنشى جەڭىسى، ول ازىرگە جەڭىلىپ كورگەن جوق. مەكسيكالىق كاسىبي مانسابىندا ەكىنشى رەت جەڭىلدى. ايقاس 12 راۋندقا سوزىلدى.

رەسەيلىك بوكسشى ۇپاي سانىمەن جەڭدى، تورەشىلەر ءبىراۋىزدان وعان داۋىس بەردى.

ايقاستان كەيىن مەكسيكالىق بىردەن ريەۆانش سۇراپ، رەسەيلىك وعان كەلىسكەن.

الۆارەس وسى جولى جەڭسە، كۇزدە قازاقستاندىق گەننادي گولوۆكينمەن كەزدەسۋى ءتيىس ەدى.

ەندى قىركۇيەككە ساۋل الۆارەس پەن دميتري بيۆولدىڭ جارتىلاي اۋىر سالماقتاعى WBA Super الەم چەمپيونى تيتۋلى ءۇشىن ريەۆانش ايقاسى جوسپارلانعان.

بۇل دەگەنىمىز قىركۇيەككە جوسپارلانعان «كانەلونىڭ» قازاقستاندىق گەننادي گولوۆكينمەن (42-1-1، 37 ك و) تريلوگياسى كەيىنگە قالعانىن بىلدىرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى