استانالىقتار بۋرابايعا جاپپاي اعىلىپ جاتىر

بۇل تۋرالى «قازاۆتوجول» كومپانياسىنان ءمالىم ەتتى، دەپ حابارلايدى قازاقپارات ءتىلشىسى. ايتا كەتەرلىگى، الەۋمەتتىك جەلى قولدانۋشىلارىنىڭ ءبىرى بۋراباي باعىتىنداعى تاس جولدا كولىكتەردىڭ كوپ جينالىپ، كەپتەلىس ورىن العاندىعىنا شاعىمدانعان بولاتىن.

«نۇر- سۇلتان - شۋچە» تاس جولىن ءدال مەرەكە كۇندەرى نەگە جاۋىپ تاستاعان؟ ەشقانداي ەسكەرتۋ بولمادى. ەكى ساعات بويى قوزعالىسسىز تۇرمىز»، - دەپ شاعىنداندى جەلى قولدانۋشىسى. وسىعان وراي «قازاۆتوجول» ۇ ك» ا ق اتالعان جولدا ورىن العان جاعدايعا بايلانىستى جاۋاپ بەرىپ، تاس جولدىڭ شتاتتىق رەجيمدە جۇمىس ىستەپ تۇرعاندىعىن اتاپ ءوتتى.

«رەسپۋبليكالىق ماڭىزى بار اتالعان جول اشىق، ءجۇرىپ ءوتۋ قامتاماسىز ەتىلگەن. بۇل جولدا جوعارى قارقىندىلىق بايقالادى»، - دەپ اتاپ ءوتتى «قازاۆتوجول» باسپا ءسوز قىزمەتىنەن. كومپانيا مالىمەتىنشكە، قازىرگى ۋاقىتتا ەلىمىزدەگى بارلىق رەسپۋبليكالىق ماڭىزى بار جولدار اشىق.

«اتالعان جولداعى اۆتوموبيلدەردىڭ جينالىپ قالۋى جانە جوعارى قارقىندىلىق تۇرعىنداردىڭ مەرەكە كۇندەرى قالا سىرتىنا دەمالۋعا شىعۋىمەن بايلانىستى بولىپ تۇر. بارلىق جول شتاتتىق رەجيمدە جۇمىس ىستەۋدە»، - دەدى كومپانيادان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى