ۆيتسە-پرەمەر جامبىل وبلىسىندا حالىق تابىسىن ارتتىرۋ باعدارلاماسىنىڭ بارىسىن تەكسەردى
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
ۆيتسە-پرەمەر «شامۋراتوۆ شوۆكات ۆالەريەۆيچ» جەكە كاسىپكەرلىگىنىڭ جۇمىسىمەن تانىستى. شاعىن كاسىپورىن كۇنىنە 400 كەلى شۇجىق ونىمدەرىن شىعارادى.
سەحتا 7 مامان جۇمىس ىستەيدى. اۋىل حالقىنىڭ تابىسىن ارتتىرۋ (بيزنەس- جوبالاردى قولداۋ) پيلوتتىق جوباسىنىڭ 5 باعىتى بويىنشا الىنعان نەسيە سوماسى 10000,0 مىڭ تەڭگەنى قۇرايدى. سونداي-اق ەرالى توعجانوۆ اۋدانى 80 سوتىق جەردى الىپ جاتقان «سەرىك» ج ك جىلىجايىن ارالاپ كوردى.
نەسيە سوماسى - 14566,0 مىڭ تەڭگە. وتكەن جىلى 30 توننا قيار ءوندىرىلدى. جىلىجايدا تامشىلاتىپ سۋارۋ جۇيەسى ورناتىلعان. وندا 11 ادام جۇمىس ىستەيدى. ۆيتسە-پرەمەر ىلكى جوبانى ىسكە اسىرۋدىڭ جوعارى مۋلتيپليكاتيۆتىك تيىمدىلىگىنە نازار اۋداردى. مال شارۋاشىلىعىن دامىتۋدىڭ ناتيجەسىندە شاعىن سەحتار ىسكە قوسىلىپ، جاڭا جۇمىس ورىندارى اشىلۋدا.
«حالىقتىڭ تابىسىن ارتتىرۋ باعدارلاماسىنىڭ» نەگىزگى ماقساتى - قازاقستاندىقتاردىڭ تۇرمىس دەڭگەيىن ارتتىرۋ. ول ءۇشىن حالىقتى جۇمىسپەن قامتۋدى رەتتەۋ جونىندەگى جۇيەلى شارالاردى قابىلداۋ ماڭىزدى. بۇل باعىتتا اۋىلداعى ءدال وسىنداي كاسىپورىندار ۇلكەن ءرول اتقارادى»، — دەدى ەرالى توعجانوۆ.
بايزاق اۋدانىندا پيلوتتىق جوبانىڭ 5 باعىتى بويىنشا بارلىعى 6 بيزنەس- جوبا ىسكە اسىرىلدى. ولاردىڭ ءبىرى - گيدروپون قوندىرعىسىن ساتىپ الۋ. قازاقستانداعى وسى جابدىقتار مەن قوندىرعىلاردىڭ نەگىزگى جەتكىزۋشىسى - تاراز قالاسىندا ورنالاسقان «Agro Green Technology» ج ش س. ە. توعجانوۆ قۋاتى تاۋلىگىنە 400 كەلى جەم شىعارۋعا قاۋقارلى جىلجىمالى گيدروپوندى قوندىرعىدا قۇراما جەم ءوندىرۋ پروتسەسىمەن تانىستى.
سەرىكتەستىك سونىمەن قاتار گيدروپونيكا ادىسىمەن دارۋمەندەلگەن جاسىل جەم، كوكونىس، كۇرىش وسىرۋمەن اينالىسادى.
