ارميامىز الەمدىك ستاندارتقا ساي جابدىقتالعان - توقايەۆ
بۇل تۋرالى وتان قورعاۋشى كۇنىنە ارنالعان سالتاناتتى جيىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات.
«بۇگىندە ارميامىز الەمدىك ستاندارتقا ساي جابدىقتالعان. سونىمەن قاتار جاڭا جاھاندىق سىن-قاتەرلەر قارۋلى كۇشتەرىمىزدىڭ جاۋىنگەرلىك قابىلەتىن ارتتىرۋ ءۇشىن وڭتايلى شەشىمدەر ىزدەۋدى تالاپ ەتەدى. سوندىقتان، مەنىڭ تاپسىرمام بويىنشا جوعارى موبيلدى جانە گيبريدتى سوعىستار جۇرگىزۋگە قابىلەتتى ارنايى وپەراتسيالىق جاساقتار قۇرىلدى. الەمدەگى سوڭعى وقيعالاردىڭ تاجىريبەسىن ەسكەرە وتىرىپ، ءبىز اسكەري ءىس-قيمىلداردىڭ ستراتەگياسى مەن تاكتيكاسىن ۇنەمى جەتىلدىرىپ وتىرامىز. جەكە قۇرام جۇيەلى تۇردە جاۋىنگەرلىك دايىندىقتى پىسىقتايدى، اۋقىمدى وقۋ-جاتتىعۋلار وتكىزىلەدى. بولاشاق وفيتسەرلەردى دايارلاۋدىڭ زاماناۋي جۇيەسى قۇرىلدى»، - دەدى قاسىم-جومارت توقايەۆ.
