قوستاناي وبلىسىندا مەملەكەتتىك تىلدە وقىتاتىن بەس جاڭا مەكتەپ اشىلدى

سوڭعى بىرنەشە جىلدىڭ وزىندە وڭىردە 5 جاڭا مەكتەپ قولدانىسقا بەرىلدى، دەپ حابارلايدى قازاقپارات ءتىلشىسى.

قوستاناي وبلىسىندا بارلىعى 494 مەكتەپ بار، وندا 112 مىڭنان استام بالا ءبىلىم الادى. مەملەكەتتىك تىلدە وقىتاتىن مەكتەپتەر سانى - 116, بۇل جالپى مەكتەپ سانىننىڭ %24.

«سوڭعى جىلدارى وبلىستا مەملەكەتتىك تىلدە وقىتاتىن 5 جاڭا مەكتەپ اشىلدى. كەلەسى وقۋ جىلىندا مەكتەپكە دەيىنگى ۇيىمداردا قوسىمشا 22 توپ، مەكتەپالدى دايارلىق سىنىپتارى مەن 15 مەكتەپتە ءبىرىنشى سىنىپتار، سونداي- اق 5 كوللەدجدە مەملەكەتتىك تىلدە وقىتۋ توپتارى اشۋ جوسپارلانۋدا»، - دەپ حابارلادى وبلىستىق ءبىلىم باسقارماسىنىڭ كەڭەيتىلگەن القا وتىرىسىندا ۆەدومستۆو باسشىسى زاۋرە بايمەنوۆا.

بۇگىندە ايماقتاعى 192 بالاباقشا مەن 370 شاعىن ورتالىقتا 30 مىڭنان استام بالا تاربيەلەنىپ جاتىر. مەكتەپكە دەيىنگى تاربيەمەن 2 - 6 جاسقا دەيىنگى بالالاردىڭ %89,7 جانە 3-6 جاس ارالىعىنداعى بالالاردىڭ %99,9 قامتىلعان. دەگەنمەن كەزەكتە 10 مىڭنان استام بالا بار. ءبىلىم باسقارماسىنىڭ باسشىسى وبلىس ورتالىعىنداعى جاڭا ىقشاماۋدانداردا 1120 ورىندىق 4 بالاباقشا سالۋ قاجەتتىگىن دە العا تارتتى. بۇل بالاباقشا كەزەگىن ايتارلىقتاي ازايتادى.

اۆتور: سماعۇلوۆا ەركەجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى