ساۋىردە ىسكەرلىك بەلسەندىلىكتىڭ قالپىنا كەلۋى بايقالدى
يندەكس 49،5 كە دەيىن كوتەرىلدى، ناۋرىزدا 48،2 بولعان. بۇل تۋرالى ۇلتتىق بانك ا ق شا- كرەديت ساياساتى دەپارتامەنتىنىڭ ديرەكتورى رۇستەم ورازالين ءمالىم ەتتى، دەپ حابارلايدى قازاقپارات.
«ىسكەرلىك بەلسەندىلىكتىڭ ءوسۋى تەك ءوندىرىس سالاسىندا بايقالدى: يندەكس 50,5 كە دەيىن كوتەرىلدى (ناۋرىزدا – 50،0)، قالعان سەكتورلاردا 50 دەن تومەن مانگە يە بولدى»، - دەيدى رۇستەم ورازالين.
قىزمەت كورسەتۋ سەكتورى مەن تاۋ- كەن ونەركاسىبىندە ىسكەرلىك بەلسەندىلىك قالپىنا كەلە باستادى (سايكەسىنشە، 49،6 جانە 49،9) ، ال قۇرىلىس سالاسىندا يندەكستىڭ تومەندەۋى 4 اي بويىنا جالعاسىپ كەلەدى (44،5) .
«بارلىق سالادا دا جەتكىزۋ مەرزىمى ۇزاردى، ال قۇرىلىس كاسىپورىندارى جاڭا تاپسىرىستار كولەمى مەن جۇمىسپەن قامتۋ دەڭگەيىنىڭ ايتارلىقتاي تومەندەگەنىن العا تارتتى»، - دەيدى مامان.
وندىرىستە جانە تاۋ- كەن ونەركاسىبىندە تاۋارلى- ماتەريالدىق قور كولەمى ۇلعايعان. 2022 -جىلدىڭ ساۋىرىندە العاش رەت تاۋ- كەن ونەركاسىبى جەكە ءبولىنىپ قارالىپ، وسىعان بايلانىستى دەرەكتەر قاتارى قايتا ەسەپتەلدى.
«كاسىپورىنداردىڭ الداعى 6 ايعا بولاشاق بيزنەس- جاعدايلارعا قاتىستى سەنىمدىلىگى ايتارلىقتاي جاقساردى. بولاشاق جاعدايلاردى باعالاۋ – 7،3 (ناۋرىزدا - (- ) 12،1). ناتيجەسىندە اعىمداعى جانە بولاشاق بيزنەس- جاعدايلاردىڭ ورتاشا باعالاۋىن بىلدىرەتىن بيزنەس- كليمات يندەكسى 1،8-گە (ناۋرىزدا - (- ) 10،3) تەڭەسىپ، ايتارلىقتاي جاقساردى»، - دەپ تولىقتىرادى رۇستەم ورازالين.
ساۋىردە جۇرگىزىلگەن ساۋالناماعا 465 كاسىپورىن قاتىستى: تاۋ- كەن ءوندىرۋ ونەركاسىبىندە – 42، وندىرىستە – 136، قۇرىلىستا – 72، قىزمەت كورسەتۋ سالاسى بويىنشا - 215.
ەسكە سالا كەتەيىك، الەمدەگى گەوساياسي احۋالدىڭ كۇرت وزگەرۋىنە بايلانىستى ناۋرىز ايىندا ەكونوميكا قىسىمعا ۇشىراعان ەدى. بۇعان دەيىن ۇلتتىق بانكتىڭ تەڭگە باعامىن تۇراقتاندىرۋ شارالارىن جۇرگىزىپ جاتقانى حابارلانعان ەدى.
