ەۋرووداق مۇناي- گاز ماسەلەسىندە ازياعا بەت بۇرۋى مۇمكىن

اندرەس مانۋەل لوپەس وبرادور، مەكسيكا پرەزيدەنتى:

- ءبىز بەيتاراپ ۇستانىمدامىز. بۇل پىكىرىمىزدى بىرىككەن ۇلتتار ۇيىمىنىڭ قابىرعاسىندا دا ايتقانبىز. داۋ- دامايدى بەيبىت جولمەن رەتتەگەن ءجون. ارينە كەز كەلگەن باسقىنشىلىقتى ايىپتايمىز، ويتكەنى مۇنداي وزبىرلىقتى ءبىز دە كورگەنبىز.

بريتانيانىڭ بۇل جولعى سانكسياسىنا بانكتەر مەن مەملەكەتتىك اقپارات قۇرالدارى ىلىكتى. كونسالتينگ جانە بۋحگالتەرلىك قىزمەت ەكسپورتىنا شەكتەۋ قويىلدى. ەۋرووداق تا جازالاۋ شارالارىنىڭ 6-توپتاماسىن ۇسىندى. سونىڭ ءبىرى مۇناي ەمبارگوسى. ياعني رەسەيدەن شيكى «قارا التىن» تاسىمالداۋعا كەزەڭ- كەزەڭىمەن تىيىم سالىنباق. ال جىل سوڭىنا قاراي مۇناي ونىمدەرىن يمپورتتاۋ تولىق توقتاۋى مۇمكىن.

ۋرسۋلا فون دەر ليايەن، ەۋروكوميسسيا ءتوراعاسى:

- رەسەي مۇنايىنان باس تارتۋ وڭايعا سوقپايدى. ويتكەنى كەيبىر مۇشە- مەملەكەتتەر وعان قاتتى تاۋەلدى. ءبىراق ءبىز بۇل قادامدى جاساۋىمىز كەرەك. سونىمەن قاتار قوسىمشا جەتكىزۋ جولدارىن قوسا قاراستىرىپ جاتىرمىز.

ساراپشىلاردىڭ ەسەبىنشە، رەسەيدەگى مۇناي ءوندىرىسى كۇنىنە 11 ميلليون باررەلدەن 9 جارىم ميلليون باررەلگە دەيىن قىسقارعان. ەۋرووداق باس تارتقاننان كەيىن كرەمل ازياعا بەت بۇرۋى مۇمكىن.

ليۆيا گاللاراتي، ساراپشى:

- مۇناي جىبەرۋ باعىتى ەۋروپادان ازيا ەلدەرىنە، ونىڭ ىشىندە ءۇندىستانعا قاراي بۇرىلىپ جاتقانىن كورىپ وتىرمىز. قىتاي دا قىزىعۋشىلىق تانىتىپ وتىر. ەۋروپانىڭ رەسەيدىڭ ەنەرگيا رەسۋرستارىنا تاۋەلدىلىگى سونشالىقتى جوعارى، ودان بىردەن باس تارتۋ مۇمكىن ەمەس ءارى ايماققا اسەرى وراسان بولماق.

كرەمل جاڭا شەكتەۋلەرگە قاتىستى تۇسىنىكتەمە بەرىپ، «باتىس ەلدەرى مۇنىڭ زاردابىن ءالى- اق تارتادى» دەپ مالىمدەدى.

ەستەرىڭىزگە سالا كەتەيىك، رەسەيگە قارسى بۇعان دەيىن 10 مىڭنان استام سانكسيا قابىلدانعان. ونىڭ باسىم بولىگىن ۇلى بريتانيا سالعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى