جاڭا جۇيە «ە-ءوتىنىش» ازاماتتاردىڭ ارىز-تىلەگىن قابىلدايتىن «ءبىر تەرەزەگە» اينالادى
پرەزيدەنتتىڭ بۇگىن قول قويعان «مەملەكەتتىك اپپاراتتىڭ قىزمەتىن بيۋروكراتيادان ارىلتۋ جونىندەگى شارالار تۋرالى» جارلىعىندا وسىنداي مەجە قويىلىپ وتىر.
«كۇنتىزبەلىك جىل ىشىندە «E-Otinish» جۇيەسىن جەكە جانە زاڭدى تۇلعالار جولدانىمدارىنىڭ بارلىق تۇرلەرىن قابىلداۋ ءۇشىن «ءبىر تەرەزە» رەتىندە ينستيتۋتسيالاندىرۋدى قامتاماسىز ەتسىن»، - دەپ جازىلعان قۇجاتتا.
سونىمەن قاتار، ق ر مەملەكەتتىك قىزمەت ىستەرى اگەنتتىگىنە ۇكىمەتپەن بىرلەسىپ جىل سايىن مەملەكەتتىك قىزمەتشىلەر اراسىندا مەملەكەتتىك اپپارات قىزمەتىن جەتىلدىرۋ جونىندەگى ۇزدىك جوباعا ارنالعان كونكۋرستى وتكىزۋ جۇكتەلگەن.
«مەملەكەتتىك قىزمەتتىڭ جاي- كۇيىن مونيتورينگتەۋ جانە مەملەكەتتىك قىزمەتتەردى كورسەتۋ ساپاسىن قوعامدىق مونيتورينگتەۋ راسىمدەرى شەڭبەرىندە جىل سايىن بيۋروكراتيادان ارىلتۋ جونىندەگى سۇراۋ سالۋ جۇرگىزۋ قامتاماسىز ەتىلسىن»، - دەلىنگەن جارلىقتا.
ەسكە سالساق، بۇگىن پرەزيدەنت مەملەكەتتىك اپپاراتتىڭ جۇمىسىن بيۋروكراتيادان ارىلتۋ تۋرالى جارلىققا قول قويدى.
اۆتور: ەسىمجان ناقتىباي
