قازاقستان مەن چەحيا پارلامەنتارالىق ىنتىماقتاستىقتى نىعايتۋعا نيەتتى
بۇل تۋرالى قازاقستان ەلشىسى مارات تاجيننىڭ چەحيا پارلامەنتىنىڭ تومەنگى پالاتاسىنىڭ دەپۋتاتتارىمەن كەزدەسۋىنەن ءمالىم بولدى، دەپ حابارلايدى قازاقپارات.
ق ر سىرتقى ىستەر مينيسترلىگى باسپا ءسوز قىزمەتىنىڭ حابارلاۋىنشا، كەزدەسۋ بارىسىندا قازاقستان ەلشىسى ەكى ەل اراسىنداعى قارىم-قاتىناستاردىڭ ءداستۇرلى دوستىق جانە سەنىمدى سيپاتىن، سونداي-اق قازاقستاننىڭ ەكىجاقتى جانە كوپجاقتى فورماتتاعى ىنتىماقتاستىقتى ودان ءارى نىعايتۋعا جانە دامىتۋعا ۇمتىلىسىن اتاپ ءوتتى.
م. ءتاجين چەح پارلامەنتارييلەرىن پرەزيدەنت قاسىم-جومارت توقايەۆ جۇرگىزىپ وتىرعان باعىتقا سايكەس ەلىمىزدە بولىپ جاتقان ساياسي جانە الەۋمەتتىك-ەكونوميكالىق رەفورمالار تۋرالى ەگجەي-تەگجەيلى حاباردار ەتتى.
پارلامەنتارالىق ىنتىماقتاستىقتى نىعايتۋ تاقىرىبىن تالقىلاي وتىرىپ، ەلشى ءوزارا ءىس-قيمىلدى جانداندىرۋدى، اتاپ ايتقاندا، ەكى ەل پارلامەنتتەرىنىڭ پارلامەنتارالىق «دوستىق توپتارى» مەن ىنتىماقتاستىق توپتارى دەپۋتاتتاردىڭ ءوزارا ساپارلارىن ۇيىمداستىرۋدى ۇسىندى.
چەح دەپۋتاتتارى ق ر پرەزيدەنتىنىڭ جولداۋىنا، قازاقستاندى ودان ءارى دەموكراتيالاندىرۋ باعىتىنىڭ جالعاسى بولىپ تابىلاتىن جاڭا ساياسي باعدارلاماعا ۇلكەن قىزىعۋشىلىق تانىتتى.
