ەۋروپا ەلدەرى رەسەيگە تاعى دا سانكسيا سالدى

بۇل جايعى سانكسيا رەسەي اسكەرىنىڭ ۋكراينانىڭ بۋچا قالاسىندا جاساعان قاتىگەزدىگى سەبەپ بولدى، دەپ جازادى BBC- ءدىڭ ورىس قىزمەتى.

وسى جولعى سانكسياعا رەسەيدىڭ كومىر الۋدى ازايتۋ، زاماناۋي تەحنولوگيالاردى ساتپاۋ جانە SWIFT جۇيەسىنەن رەسەيدىڭ ءۇش بانكىن اجىراتۋ سىندى شارالار ەندى.

اتاپ ايتقاندا مىناداي شارالار قولدانىلدى:

- رەسەيدەن ساتىپ الاتىن كومىردىڭ جىلدىق كولەمىن 8 ميلليارد ەۋروعا دەيىن ازايتۋ؛

- رەسەيدەن الكوگولدى ىشىمدىك، ۋىلدىرىق، اعاش پەن حيميا ءوندىرىسىنىڭ تاۋارلارىن ساتىپ الۋدى شەكتەۋ، جىلىنا 5,5 ميلليارد ەۋروعا عانا ساتىپ الۋ بەكىتىلدى؛

- رەسەيگە چيپ، كومپيۋتەر، گاز ءوندىرىسىنىڭ قۇرال-جابدىقتارىن، ترانسپورتتى ساتۋعا تىيىم سالۋ، شامامەن، 10 ميلليارد ەۋروعا عانا ساتۋ؛

- ەۋروپا تەڭىز پورتتارىنا رەسەي كەمەلەرىن كىرگىزۋگە تىيىم سالىندى؛

- رەسەي مەن بەلارۋس ەلىنىڭ جۇك كولىكتەرىن شەكارادان وتكىزبەۋ؛

- ۆ ت ب بانكى مەن رەسەيدىڭ تاعى ءۇش بانكىن SWIFT جۇيەسىنەن اجىراتۋ؛

- كريپتواكتيۆ قىزمەتتەرىنە كورسەتۋگە شەكتەۋ قويۋ.

سونداي-اق، اتالعان شەكتەۋلەردەن بولەك رەسەيدىڭ 217 ازاماتى مەن 18 كومپانياسىنا سانكسيا سالىندى. ونىڭ ىشىندە د ن ر مەن ل ن ر- ءدىڭ دە تۇرعىندارى بار.

وسى ورايدا ايتا وتىرايىق، ەۋروپا ەلدەرىمەن بىرگە بۇگىن رەسەيگە قارسى سانكسياسىن جاپونيا مەن ۇلى بريتانيا دا كۇشەيتتى.

اتاپ ايتقاندا، بۇگىن تاڭەرتەڭ جاپونيا ورىستىڭ 8 ديپلوماتىن قۋىپ جىبەرۋ مەن رەسەيدىڭ كومىرىن ساتىپ الۋعا شەكتەۋ قويۋ، رەسەي بانكتەرىنىڭ جاپونياداعى اكتيۆتەرىن بۇعاتتاۋ تۋرالى جارلىق شىعاردى.

ال ا ق ش ۇكىمەتى ر ف پرەزيدەنتى ۆ. پۋتيننىڭ قوس قىزىنا جانە ر ف سىرتقى ىستەر ءمينيسترى س. لاۆروۆتىڭ بالاسىنا سانكسيا سالۋدى ماقۇلدادى.

bugin.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى