ءبىرىنشى سىنىپقا باراتىن وقۋشىلار ءۇشىن قۇجات ساۋىردەن باستاپ قابىلدانادى

بالالاردى مەكتەپكە قابىلداۋ ءتارتىبى ق ر ب ع م 2018 -جىلعى 12 -قازانداعى 564 بۇيرىعىمەن بەكىتىلگەن وقۋعا قابىلداۋدىڭ ۇلگىلىك قاعيدالارىندا ايقىندالعان. 1-سىنىپقا 6 جاستان باستاپ بالالار اتا- اناسىنىڭ نەمەسە ءبىلىم الۋشىلاردىڭ زاڭدى وكىلىنىڭ جەكە ءوتىنىشى نەگىزىندە قابىلدانادى. وسى ورايدا مىناداي قۇجاتتار قاجەت: بالانىڭ تۋۋ تۋرالى كۋالىگىنىڭ كوشىرمەسى؛ 026/ۋ-3 نىسانى بويىنشا دەنساۋلىق پاسپورتى؛ 063/ۋ نىسانى بويىنشا دەنساۋلىق جاعدايى تۋرالى قۇجات (ەكپە كارتاسى) جانە 3-4 كولەمىندەگى فوتوسۋرەتتىڭ ەكى داناسى. «قۇجاتتاردى قابىلداۋ بيىلعى كۇنتىزبەلىك جىلدىڭ 1- ساۋىرىنەن 1- تامىزىنا دەيىن جۇرگىزىلەدى»، - دەدى گ. كارىموۆا ورتالىق كوممۋنيكاتسيالار قىزمەتىندە.

بىرنەشە جىل بويى قۇجاتتاردى جانە بالالاردى مەكتەپكە قابىلداۋ بويىنشا مەملەكەتتىك قىزمەت اۆتوماتتاندىرىلدى. 1-سىنىپقا قابىلداۋ ەلەكتروندىق ۇكىمەتتىڭ Еgov.kz ۆەب- پورتالى ارقىلى جۇزەگە اسىرىلادى. وڭىرلەردەگى ءبىلىم باسقارمالارى الەۋمەتتىك جەلىلەر مەن ب ا ق ارقىلى اتا- انالار اراسىندا بالالاردى مەكتەپكە قابىلداۋ ەرەجەلەرى تۋرالى اقپاراتتىق- ءتۇسىندىرۋ جۇمىستارىن قوسىمشا جۇرگىزەتىن بولادى.

ونىڭ ايتۋىنشا، بيىل ءبىرىنشى سىنىپقا 420 مىڭ ءبۇلدىرشىن بارادى دەپ ەسكەرىلگەن. بۇل كورسەتكىش بىلتىرعا قاراعاندا جوعارى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى