اقمولا وبلىسىندا سپارتاكيادا كەزىندە مۇعالىم كوز جۇمدى

كوز جۇمعان مۇعالىم ماماي اۋىلىنداعى ورتا مەكتەپ ديرەكتورىنىڭ 43 جاستاعى وقۋ-تاربيە جۇمىسى جونىندەگى ورىنباسارى بولعان.

اقمولا وبلىسى ءبىلىم باسقارماسى باسپا ءسوز قىزمەتىنىڭ مالىمەتىنشە، جارىسقا ءبىرجان سال اۋدانىنىڭ 10 مەكتەبى قاتىستى، ونىڭ ىشىندە ماماي اۋىلىنىڭ نەگىزگى ورتا مەكتەبىنىڭ كومانداسى دا بار. جارىس ۆولەيبول، ۇستەل تەننيسى، توعىزقۇمالاق، شاحمات، قوسسايىس جانە ۇلتتىق سپورت ويىندارى سياقتى سپورتتىڭ بىرنەشە تۇرىنەن ءوتتى.

كوز جۇمعان مۇعالىمنىڭ سپورتتىق جارىستارعا قاتىسۋعا رۇقساتى بولدى. وسى ايماقتىق سپارتاكياداعا قاتىسۋ وتىنىمىنە سايكەس ۆولەيبول جانە ۇستەل تەننيسى بويىنشا كوماندا قۇرامىنا قابىلداندى. «ۆولەيبول ويىنى بارىسىندا ول ءوزىن جايسىز سەزىنىپ، الاڭ سىرتىنا شىعىپ ورىندىققا وتىردى. ءبىراز ۋاقىتتان كەيىن قۇلاپ، ەسىنەن تانىپ قالدى. وعان مەديتسينا قىزمەتكەرى العاشقى مەديتسينالىق كومەك كورسەتتى»، - دەدى ۆەدومستۆودان.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى