الماتىدا جاڭا تۇرعىن ءۇي كەشەنى ماڭىندا اسفالت وپىرىلىپ جاتىر
قۇرمانعازى مەن ءشارىپوۆ كوشەلەرىنىڭ قيىلىسىنداعى ەليتالىق جاڭا كوپقاباتتى تۇرعىن ءۇيدىڭ ماڭىندا اسفالت وپىرىلىپ ءتۇسىپ جاتىر. ونىڭ سۋرەتتەرى الەۋمەتتىك جەلىدە تارادى.
«ەليتالىق جاڭا ءۇيدىڭ اينالاسىنداعى جەر ءتۇسىپ كەتكەن. مۇمكىن بۇل قالىپتى جاعداي شىعار، الايدا ءجۇرۋ قاۋىپتى»، - دەپ جازادى جەلى قولدانۋشىسى.
الماتى اكىمدىگىنىڭ باسپا ءسوز قىزمەتى بۇل نىساننىڭ 2021 -جىلدىڭ ءساۋىر ايىندا پايدالانۋعا بەرىلگەنىن حابارلادى.
«قولايلى اۋا رايى جاعدايىندا جانە اسفالت- بەتون زاۋىتىنىڭ جۇمىسى قايتا جاندانعان كەزدە «رامس قازاقستان» ج ش س جولدى جوندەپ، قالپىنا كەلتىرەدى»، - دەپ جاۋاپ بەردى اكىمدىكتەگىلەر.
اۆتور: الما مۇقانوۆا
