ەردوعان مەن پۋتين ىستانبۇلدا رەسەي- ۋكراينا كەلىسسوزدەرىن وتكىزۋگە كەلىستى
«كەلىسسوزدەر بارىسىندا رەسەي- ۋكراينا سوعىسىنداعى سوڭعى جاعداي مەن كەلىسسوزدەر بارىسى تالقىلاندى. پرەزيدەنت ەردوعان مەن رەسەي پرەزيدەنتى ۆلاديمير پۋتين رەسەي مەن ۋكراينا كەلىسسوزدەر دەلەگاتسيالارىنىڭ كەلەسى كەزدەسۋىن ىستانبۇلدا وتكىزۋگە كەلىستى»، - دەپ حابارلادى جۋرناليستەرگە تۇركيا پرەزيدەنتىنىڭ كەڭسەسىنەن.
بۇعان دەيىن رەسەي دەلەگاتسياسىنىڭ باسشىسى، پرەزيدەنت كومەكشىسى ۆلاديمير مەدينسكي رەسەي مەن ۋكراينا دەلەگاتسيالارى كەلىسسوزدەردىڭ كەزەكتى بەتپە- بەت راۋندىن 29-30 ناۋرىزدا وتكىزۋ تۋرالى شەشىم قابىلداعانىن حابارلاعان بولاتىن. سونداي- اق ەردوعان جەكسەنبى كۇنى پۋتينمەن تەلەفون ارقىلى سويلەسكەن كەزدە انكارا رەسەي مەن ۋكراينا اراسىندا بەيبىتشىلىكتىڭ ورناۋىنا ىقپال ەتۋدى جالعاستىراتىنىن اتاپ وتكەن.
«پرەزيدەنت ەردوعان رەسەي مەن ۋكراينا اراسىندا قىسقا ۋاقىتتا ءبىتىم مەن بەيبىتشىلىك ورناتۋ، سونداي- اق وڭىردەگى گۋمانيتارلىق جاعدايدى جاقسارتۋ قاجەتتىگىن، تۇركيا بۇل جاعدايعا ءوز ۇلەسىن قوسۋدى جالعاستىراتىنىن ايتتى»، - دەپ حابارلادى جۋرناليستەرگە تۇركيا پرەزيدەنتىنىڭ كەڭسەسىنەن.
