سولتۇستىك كورەيا قۇرلىقارالىق بالليستيكالىق زىمىراندى سىنادى
كيم چەن ىن بۇل ءىستى پحەنياننىڭ ا ق ش- قا توتەپ بەرۋگە ءازىر بولۋى ءۇشىن جاسالعان دايىندىق شاراسى دەپ ءتۇسىندىردى. ايتا كەتەيىك، سولتۇستىك كورەيا 2017 -جىلدان بەرى العاش رەت قۇرلىقارالىق بالليستيكالىق زىمىراندى تولىقتاي سىناقتان وتكىزدى. ناتيجەسىندە زىمىراننىڭ ۇشۋ قاشىقتىعى مەن بيىكتىگى بۇعان دەيىنگىلەرگە قاراعاندا الدەقايدا ارتىق ەكەنى انىقتالدى. ساراپشىلاردىڭ ايتۋىنشا، Hwasong-17 زىمىرانى ءموبيلدى ۇشىرۋ قوندىرعىسى بار ەلدەردىڭ ىشىندە سىنالعان ەڭ ءىرى زىمىران. ب ۇ ۇ پحەنياننىڭ بۇل ارەكەتىن قاتاڭ سىنعا الىپ وتىر.
ستەفان ديۋجارريك، ب ۇ ۇ باس حاتشىسىنىڭ باسپا ءسوز حاتشىسى:
- باس حاتشى كورەي حالىق دەموكراتيالىق رەسپۋبليكاسىنىڭ بالليستيكالىق زىمىراندى سىناقتان وتكىزۋ ءىسىن قاتاڭ سىن ايتتى. سولتۇستىك كورەيا 2018 -جىلى كەلىسىلگەن موراتوريىن جانە قاۋىپسىزدىك كەڭەسىنىڭ قارارىن بۇزىپ وتىر. بۇل ايماقتاعى احۋالدىڭ ۋشىعۋىنا اكەلۋى مۇمكىن.
www.24.kz
