الماتىدا بەلگىلى تەاتر سىنشىسى اشىربەك سىعايعا مەموريالدى تاقتا ورناتىلدى

شاراعا الماتى قالاسى اكىمىنىڭ ورىنباسارى ارمان قىرىقبايەۆ، زيالى قاۋىم وكىلدەرى مەن جازۋشىنىڭ تۋعان-تۋىستارى قاتىستى.

«بۇل - تاريحي ماڭىزدى شەشىم. بۇگىن اسا كورنەكتى تەاتر ۇيىمداستىرۋشىسىنا جانە سىنشىسىنا، قازاق ونەرىنىڭ شىنايى جانكۇيەرىنە ەسكەرتكىش تاقتا ورناتىلدى. اشىربەك اعانىڭ شىعارماشىلىق ءومىرى ءبىزدىڭ سۇيىكتى قالامىزبەن تىعىز بايلانىستى. ونىڭ ەسىمى، مۇراسى حالقىمىزدىڭ جادىندا، شاكىرتتەرىنىڭ ەسىندە ماڭگى قالادى»، - دەپ اتاپ ءوتتى الماتى اكىمىنىڭ ورىنباسارى ارمان قىرىقبايەۆ.

مەموريالدىق تاقتا بەلگىلى تەاتر سىنشىسى 1980-1999 -جىلدار ارالىعىندا 20 جىلعا جۋىق تۇرعان جىبەك جولى كوشەسى، 12ا (س. ماۋلەنوۆ كوشەسىنىڭ قيىلىسى) مەكەنجايىنداعى ءۇيدىڭ قابىرعاسىنا ورناتىلدى.

اشىربەك سىعاي - قازاقستاننىڭ ساحنا ونەرىنىڭ دامۋىنا ەلەۋلى ۇلەس قوستى، قازاق تەاترتانۋ عىلىمىنىڭ نەگىزىن سالۋشىلاردىڭ ءبىرى. «ىڭكار شاق» (1978)، «سىر ساندىق»، «ساحناعا ساپار»، «جارناما الدىنداعى وي»، «ساحنا ساڭلاقتارى» (1998)، «تەاتر تاعىلىمى» (2003)، «ءان - تاعدىر»، «تاڭعاجايىپ تەاتر» جانە باسقا شىعارمالاردىڭ اۆتورى. ونىڭ ەڭبەكتەرى ونەر جانە تەاتر تەورياسى سالاسىنداعى وقۋلىققا اينالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى