زەلەنسكي ناتو مەن ەۋروپالىق وداقتان كومەك سۇرادى
بۇل تۋرالى زەلەنسكي ۋكرايناداعى سوعىستىڭ باستالعانىنا 1 ايداي بولعانىنا وراي حالىققا جولداعان كەزەكتى ۇندەۋىندە مالىمدەدى.
ۋكراينا باسشىسى باتىس ەلدەرىن رەسەي شاپقىنشىلىعىمەن بەلسەندى كۇرەسۋگە شاقىرا وتىرىپ، سانكسيالاردى كۇشەيتۋدى، ال سولتۇستىك اليانستان قارۋ- جاراقپەن كومەكتەسۋدى سۇرادى. بۇگىن بريۋسسەلدە ناتو، «ۇلكەن جەتىلىك» جانە ەۋروپالىق وداقتىڭ ءسامميتى باستالادى. باسقوسۋلاردا ەڭ الدىمەن ۋكرياناداعى احۋال مەن رەسەيگە قارسى شارالاردى تالقىلاۋ كوزدەلگەن.
ۆلاديمير زەلەنسكي، ۋكراينا پرەزيدەنتى:
- ۋكراينا اسپانى رەسەي زىمىراندارى مەن اۋە بومبالارىنان قورعالماي وتىر. ءبىز ۇشاق پەن زىمىراندارعا قارسى زاماناۋي قارۋلاردى ءالى المادىق. بىزگە تانكتەر مەن كەمەلەرگە قارسى قارۋلار دا كەلگەن جوق. رەسەي اسكەرى ءالى دە مىڭداعان تۇرعىنىمىزدى ءولتىرىپ، قالالارىمىزدى تالقانداي الادى.
ناتو شىعىس ەۋروپاداعى اسكەرىن كۇشەيتۋگە نيەتتى
ال ناتو اليانستىڭ شىعىس شەكاراسىنداعى اسكەرىن كۇشەيتۋگە نيەتتى. بۇل تۋرالى سولتۇستىك اليانستىڭ باس حاتشىسى يەنس ستولتەنبەرگ مالىمدەدى. شارا شەڭبەرىندە ۆەنگريا، بولگاريا، رۋمىنيا جانە سلوۆاكياعا قوسىمشا كۇشتەر اتتاندىرۋ قاراستىرىلعان. ايتا كەتەيىك، بۇگىن بريۋسسەلدە باستالاتىن ناتو ەلدەرىنىڭ سامميتىنە ا ق ش پرەزيدەنتى دجو بايدەن دە قاتىسادى.
