وليمپيادا التىنىنان ايىرۋعا بايلانىستى اۋىر اتلەتيكا فەدەراتسياسى مالىمدەمە جاسادى
وسى شەشىممەن اۋىر اتلەت نيجات راحيموۆ تىيىم سالىنعان ءادىستى قولدانعانى ءۇشىن كىنالى دەپ تانىلىپ، 2021 -جىلعى 18 -قاڭتاردان باستاپ سەگىز جىلعا شەتتەتىلدى، 2016 -جىلعى 15 -ناۋرىزدان باستاپ سپورتتىق ناتيجەلەردىڭ كۇشى جويىلدى (العاشقى «داۋلى» سىنامانى الۋ كۇنىنەن باستاپ).
«ارينە، مۇنداي شەشىم ءبىز ءۇشىن كۇتپەگەن جاعداي بولدى، ويتكەنى تىڭداۋ بارىسىندا ن. راحيموۆتىڭ ادۆوكاتتارىنىڭ دالەلدەرى سەنىمدى بولدى جانە تىڭداۋ ساتىنەن باستاپ، بۇل التى ايدان استام ۋاقىت، سپورتشىنىڭ اتىنا دا، فەدەراتسياعا دا قوسىمشا سۇراۋلار مەن تۇسىنىكتەمەلەر تۇسكەن جوق»، - دەپ ءمالىم ەتتى ق ر ا ا ف باس حاتشىسى الديار نۇرالينوۆ.
ايتا كەتۋ كەرەك، بۇل ۇكىم ءبىرىنشى ينستانسيانىڭ شەشىمى بولىپ تابىلادى، تىڭداۋ ءبىر تورەشىنىڭ قاتىسۋىمەن CAS دوپينگكە قارسى دەپارتامەنتى دەڭگەيىندە ءوتتى. ق ر ا ا ف دوپينگتىڭ كەز كەلگەن كورىنىسىنە مۇلدەم توزبەۋشىلىك قاعيداتىن ۇستانادى، الايدا بۇل جاعدايدا حالىقارالىق فەدەراتسيا مەن سول كەزدە دوپينگ باقىلاۋدى جۇزەگە اسىرعان ورگاندارعا دا قاتىستى ءبىرقاتار سۇراقتار بار. فەدەراتسيا CAS دوپينگكە قارسى دەپارتامەنتىنىڭ شەشىمىن اپپەلياتسيالاۋعا جانە ءبىزدىڭ سپورتشىمىزدى قولداۋعا ودان ءارى كومەك كورسەتۋگە دايىن.
