اسىق وينايتىن ورىس قىزى: كوزدىڭ وتكىرلىگىن دامىتادى
باستى سالماق ساقاعا تۇسەدى. توپپەن دە جەكەلەي دە سىنعا تۇسۋگە بولادى. بارلىعى 15 كەزەڭنەن ءوتۋى كەرەك ۆيكتوريا ەسترەمسكايا ۇلتتىق ويىندى 12 جاسىنان باستاپ جانىنا سەرىك ەتكەن. قازاقتىڭ ءتول ويىنىن تورگە شىعارىپ جۇرگەن وقۋشى. اشەكەي بۇيىمداردان كورى، بابىندا پىسكەن جىلىكتەگى اسىقتى الۋعا اسىعادى ەكەن. ونى بوياپ باپتايتىنىن دا جاسىرمايدى.
«باسقا قىزدار ويناپ جاتقاندا قىزىعاتىنمىن. مەن دە سولاي ويناسام عوي دەپ ارماندايتىنمىن. باستاپقىدا قيىن بولدى. ساۋساقتارىمىزعا قاتتى تيسە، اۋىراتىن. قازىر ءبىراق ۇيرەنىپ كەتتىم. ويىن بارىسىندا سابىرلىق پايدا بولادى. كوزدىڭ وتكىرلىگىن دامىتادى»، - دەيدى قىز بالا.
بەس اسىق وينىنىڭ تالابى وڭاي ەمەس دەيدى ۆيكتوريا. اسىقتىڭ سالماعى بالانىڭ جاسىنا قاراي 8-دەن 13 گراممعا دەيىن بولۋى ءتيىس. ءار كەزەڭدە ەرەجەنى دە ەسكەرۋ ماڭىزدى.
«ءبىرىنشى كەزەڭى بىرلىك دەپ اتالادى. مۇندا ساقانى لاقتىرىپ باسقا اسىقتاردى جينايمىز. اسىقتار ءبىر بىرىنە تيمەۋى كەرەك. ەڭ سوڭىندا ساقانى ورتاعا قويامىز»، - دەيدى ۆيكتوريا ەسترەمسكايا.
قاراعاندى وبلىسىندا قازاقتىڭ ۇلتتىق ويىنىن - بەس اسىقتى قايتا جاڭعىرتقان وسى يزەندى اۋىلى. ورتا مەكتەپتە قوسىمشا ۇيىرمە 2014 -جىلى اشىلعان. قازىر ءار جاس ارالىعىنداعى وقۋشىلاردان قۇرىلعان ليگا دا بار. مۇرات اقزاموۆ ۇلتتىق ويىندى تالاپكەرلەر ساناسىنا سالماقتاپ جۇرگەن جاتتىقتىرۋشى. بۇگىندە شاكىرتتەرىنىڭ جەتىستىگى مول.
«بەس اسىقتى باستاعان سەبەبىمىز - وسى اسىق ويىنداعى سپورتتىق ويىندار باعدارلاماسىنا كىرەدى دەپ حابارلاندى. سوندىقتان وسى ويىن ءتۇرىن جان- جاقتى زەرتتەپ، بالالارعا ۇيرەتۋدى شەشتىك»، - دەيدى جاتتىقتىرۋشى مۇرات اقزاموۆ.
بەس اسىق ويىنى الداعى ۋاقىتتا ازيا ويىندارىنىڭ باعدارلاماسىنا ەنەدى ەكەن. سوندىقتان باپكەر بالالاردىڭ قارىم قابىلەتىن ودان ءارى شىڭداي بەرەمىز دەيدى. سەبەبى قازاق بالاسىنىڭ ەسەپكە جۇيرىكتىگى وسىنداي ويىنداردى ويناۋدان قالىپتاسقان.
تاۋەلسىزدىك العالى ۇلتتىق ويىندار قايتا جاڭعىرىپ، ۇلت مۇراسى تولىعا ءتۇستى. سونىڭ ىشىندە اسىرەسە اسىق ويىنى قارقىن الىپ جاڭاشا تۇرلەندى. وعان سەبەپ - جاستار اراسىنداعى قىزىعۋشىلىقتىڭ ارتا ءتۇسۋى.
اۆتور: اگاتا مۋحامەدجانوۆا
