ماۋلەن اشىمبايەۆ: ۇلكەندەرگە قۇرمەت كورسەتىپ، قامقورلىق تانىتۋ ءبىزدىڭ پەرزەنتتىك بورىشىمىز
«مەملەكەت باسشىسى مۇگەدەكتىگى بار ازاماتتارعا جۇيەلى تۇردە قولداۋ كورسەتۋگە ۇنەمى باسا ءمان بەرىپ كەلەدى. بۇل سالا سەنات جۇمىسىنىڭ دا نەگىزگى باعىتتارىنىڭ ءبىرى. وسىعان وراي بۇگىن ەلوردامىزداعى «GreenTAL» الەۋمەتتىك شەبەرحاناسىنا ارنايى بارىپ، كاسىپورىن جۇمىسشىلارىن ناۋرىز مەيرامىمەن قۇتتىقتادىق»، -دەپ جازدى، ماۋلەن اشىمبايەۆ ءوزىنىڭ Facebook پاراقشسىندا.
سونداي-اق ول سوزىندە «GreenTAL» - مۇگەدەكتىگى بار ادامداردى، بالالار ءۇيىنىڭ تۇلەكتەرىن جانە باسقا دا الەۋمەتتىك وسال توپتاعى ازاماتتاردى وقىتىپ، جۇمىسپەن قامتىپ وتىرعان ماڭىزدى جوبالاردىڭ ءبىرى ەكەندىگىن ەسكە سالدى.
قازىرگى تاڭدا بۇل جەردە اعاش، تىگىن سەحتارى، باسپاحانا جانە بەزەندىرۋ ستۋدياسى جۇمىس ىستەيدى.
«وسىنداي تىڭ باستامانى تابىستى ىسكە اسىرىپ وتىرعان الەۋمەتتىك كاسىپكەر ەمين اسكەروۆ كە العىسىمىزدى بىلدىرەمىز. سونىمەن قاتار بۇگىن ەلوردا اكىمى Altay Kulginov - پەن بىرگە «شاراپات» الەۋمەتتىك قىزمەت كورسەتۋ ورتالىعىنا دا ات باسىن بۇرىپ، ونداعى قامكوڭىل جانداردى ۇلىستىڭ ۇلى كۇنىمەن قۇتتىقتاپ شىقتىق. بۇل ورتالىقتا جاسى كەلگەن جانە مۇگەدەكتىگى بار ادامدارعا ساپالى كۇتىم جاساۋ ءۇشىن تولىق كەشەندى قىزمەت كورسەتىلەدى. ورتالىق تۇرعىندارىنىڭ اراسىندا سوعىس جانە ەڭبەك ارداگەرلەرى بار. ادام قارتايعان شاعىندا ءبىر اۋىز جىلى ءسوز بەن ءىلتيپاتقا كوبىرەك مۇقتاج بولاتىنى ايتپاسا دا تۇسىنىكتى. سوندىقتان بۇگىن قاريالارىمىزدى قۇتتىقتاپ، اعا بۋىنعا ەلدىك مۇددە جولىنداعى ەرىك- جىگەرى مەن قاجىرلى ەڭبەگى ءۇشىن العىسىمىزدى بىلدىردىك. ۇلكەندەرىمىزگە قۇرمەت كورسەتىپ، قامقورلىق تانىتۋ - قاشاندا ءبىزدىڭ پەرزەنتتىك جانە ازاماتتىق بورىشىمىز. بۇل - ۇلتىمىزدىڭ قانىنا سىڭگەن قاسيەت. سول سەبەپتى، مەملەكەتتىك ورگاندار بۇل باعىتتا ءارى قاراي دا جۇيەلى جۇمىس جۇرگىزىپ، الەۋمەتتىك قولداۋ شارالارىن ارتتىرا بەرەدى»، - دەيدى سەنت ءتوراعاسى.
