فۋتبولدان قازاقستان جاستار قۇراماسى قىرعىزستانمەن جولداستىق كەزدەسۋ وتكىزەدى

ويىن تالعارداعى ۇلتتىق قۇرامانىڭ بازاسىندا وتكىزىلەدى دەپ جوسپارلانىپ وتىر.

ايتا كەتسەك، جاستار قۇراماسى 2023-جىلعى ەۋروپا چەمپيوناتىنىڭ ىرىكتەۋ تۋرنيرىندە كەزەكتى ويىنىنا دايىندىقتى 18- ناۋرىز كۇنى باستايدى. تالعاردا وقۋ-جاتتىعۋ جيىنى وتكىزىلەدى.

قايرات نۇرداۋلەتوۆ جەتەكشىلىك جاسايتىن قۇراما قىرعىزستان وليمپيادالىق قۇراماسىمەن جولداستىق ماتچ وتكىزۋدى جوسپارلاپ وتىر.

كەزدەسۋدىڭ باستالۋى ەلوردا ۋاقىتىمەن 17:00 گە بەلگىلەنگەن. ەكى جاقتىڭ كەلىسىمى بويىنشا ويىننان تىكەلەي كورسەتىلىم بولمايدى.

ايتا كەتەيىك، قازاقستان ەۋروپا چەمپيوناتىنىڭ ىرىكتەۋ تۋرنيرىندە شوتلانديامەن كەزدەسەدى. بۇل رەسمي ويىن 29- ناۋرىزدا الماتى قالاسىنداعى ورتالىق ستاديوندا وتەدى.

وتكەن جىلدىڭ 12- قاراشاسىندا وتكەن العاشقى كەزدەسۋدە شوتلانديا جاستارى قازاقستاندىق فۋتبولشىلاردان 2:1 ەسەبىمەن باسىم ءتۇستى.

ەسكە سالساق، ىرىكتەۋ تۋرنيرىندە قازاقستان جاستار قۇراماسى I توبىندا سىنعا تۇسەدى. قارسىلاستارى - بەلگيا، دانيا، شوتلانديا جانە تۇركيا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى