ءىرى ويىنشىلار شەتەل ۆاليۋتاسىن كەلىسىمشارت مىندەتتەمەلەرىنىڭ اياسىندا عانا ساتىپ السىن - توقايەۆ
قازاقستان حالقىنا كەزەكتى جولداۋىن جولداعان پرەزيدەنت قاسىم-جومارت توقايەۆ وسىنداي نۇسقاۋ بەردى، دەپ حابارلايدى قازاقپارات ءتىلشىسى.
«الەمدەگى سوڭعى جاعدايلار تەڭگە باعامىنا قاتتى قىسىم جاسادى. ول سىزدەرگە جاقسى ءمالىم. ۆاليۋتا نارىعىنداعى تۇراقسىزدىق كاپيتالدى كولەڭكەلى ترانسشەكارالىق اعىندار ارقىلى سىرتقا شىعارۋمەن بايلانىستى. سوندىقتان، قارجى سالاسىندا سىرتتان ساتىپ الۋشىلاردىڭ دا اسەرىنەن تۋىنداعان سپەكۋلياتيۆتىك سۇرانىستى تومەندەتۋ كەرەك»، - دەدى مەملەكەت باسشىسى.
سونداي-اق، ول ەلدەگى ءىرى كومپانيالاردىڭ شەتەل ۆاليۋتاسىن ساتىپ الۋى دا باقىلاۋدا بولاتىنىن ەسكەرتتى.
«الدىڭعى كۇنى مەن ۆاليۋتانى شەتەلگە اكەتۋدى شەكتەۋگە مۇمكىندىك بەرەتىن ارنايى جارلىققا قول قويدىم. ءىرى ينستيتۋتسيونالدىق ويىنشىلار شەتەل ۆاليۋتاسىن ءوزىنىڭ كەلىسىمشارت مىندەتتەمەلەرىن ورىنداۋ اياسىندا عانا ساتىپ الۋى كەرەك»، - دەدى پرەزيدەنت.
