ۇلتتىق بانك يكەمدى باعام بەلگىلەۋ ساياساتىن ۇستانۋدى جالعاستىرادى - عالىمجان ءپىرماتوۆ
«قولما- قول شەتەل ۆاليۋتالارى نارىعىندا بارىنشا نارىقتىق باعام بەلگىلەۋدى قامتاماسىز ەتۋ ماقساتىندا ۇلتتىق بانك ايىرباستاۋ پۋنكتتەرى ارقىلى تەڭگەگە شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرىن كەڭەيتۋ بويىنشا تۇزەتۋلەر ازىرلەدى. قارجىلىق تۇراقتىلىق تاۋەكەلدەرىنىڭ الدىن الۋ جانە الىپساتارلىق سۇرانىستىڭ قىسىمىن تومەندەتۋ ماقساتىندا ق ر پرەزيدەنتىنىڭ جارلىعىمەن ەلدەن 10000 ا ق ش دوللارىنان جوعارى قولما- قول شەتەل ۆاليۋتاسىن جانە شەتەل ۆاليۋتاسىنداعى اقشا قۇرالدارىن، سالماعى 100 گرامنان اساتىن تازارتىلعان التىندى، التىن قۇيمالاردى اكەتۋگە شەكتەۋ ەنگىزىلدى. بۇل قولما- قول شەتەل ۆاليۋتاسىنىڭ شامادان تىس اكەتىلۋىن باقىلاۋدى جانە ۇلتتىق بانك رەزەرۆتەرىنىڭ ساقتالۋىن قامتاماسىز ەتەدى»، - دەدى عالىمجان ءپىرماتوۆ.
ونىڭ ايتۋىنشا، ەكىنشى دەڭگەيدەگى بانكتەر مەن ۇلتتىق بانك قازاقستانعا قولما- قول شەتەل ۆاليۋتاسىن جەتكىزۋ جونىندەگى ءىس- شارالاردىڭ بۇكىل تىزبەسىن قابىلداۋدا. بۇل رەتتە ەكىنشى دەڭگەيدەگى بانكتەر شوتتارداعى، دەپوزيتتەردەگى جانە باعالى قاعازدارداعى قالدىقتار تۇرىندەگى ءوتىمدى ۆاليۋتالىق اكتيۆتەردىڭ جەتكىلىكتى كولەمىنە يە.
«ۇلتتىق بانك شوكتاردى رەتكە كەلتىرىپ، ديسبالانستاردىڭ جيناقتالۋىن بولدىرمايتىن جانە رەزەرۆتەردى ورىندى پايدالانۋعا مۇمكىندىك بەرەتىن يكەمدى باعام بەلگىلەۋ ساياساتىن ۇستانۋدى جالعاستىرادى»، - دەدى ول.
