قازاقستان قىزىل كرەست جانە قىزىل جارتى اي قوعامىمەن ىنتىماقتاستىق جايىن تالقىلادى
تاراپتار 2018-جىلى الماتىدا وتكەن قىزىل كرەست جانە قىزىل جارتى ايدىڭ 10-وڭىرلىك كونفەرەنسياسىنىڭ ناتيجەلەرىن جوعارى باعالادى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
دج. چاپاگەين فەدەراتسيانىڭ ۋكرايناداعى جۇرگىزىپ جاتقان گۋمانيتارلىق قىزمەتى تۋرالى ايتىپ بەردى.
سونىمەن قاتار، ول فەدەراتسيانىڭ الماتىداعى ايماقتىق وكىلدىگى نەگىزىندە گۋمانيتارلىق ديپلوماتيانىڭ وڭىرلىك حابىن قۇرۋ جوسپارلارىمەن ءبولىستى.
ە. الىمبايەۆ باس حاتشىنى قازاقستاننىڭ ۋكرايناعا 2,2 ميلليون ا ق ش دوللاردان استام سوماعا مەديتسينالىق ماقساتتاعى بۇيىمدار تۇرىندەگى گۋمانيتارلىق كومەك كورسەتۋ شەشىمى تۋرالى حاباردار ەتتى.
كەزدەسۋ سوڭىندا سۇحباتتاستار قازاقستاندا جانە ورتالىق ازيادا بىرلەسكەن جوبالاردى جۇزەگە اسىرۋ ارقىلى گۋمانيتارلىق سالاداعى ىنتىماقتاستىقتى جالعاستىرۋعا كەلىستى.
