شىعىس قازاقستاندا سۋ تاسقىنى قاۋپى بار ۋچاسكەلەرگە تىكۇشاقپەن بارلاۋ جۇرگىزىلدى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اەروۆيزۋالدى باقىلاۋ وسكەمەن، ريددەر قالالارى مەن كوكپەكتى، كاتونقاراعاي، التاي، گلۋبوكوە اۋداندارىندا جۇرگىزىلدى.

سونىڭ بارىسىندا ەرتىس وزەنىنىڭ وڭ جاعالاۋىنداعى كۇرشىم، بۇقتىرما، ءۇلبى وزەندەرىنىڭ ارنالارى قارالدى.

«بۇگىندە ايماق بويىنشا گيدرولوگيالىق جاعداي تۇراقتى. وزەندەردەگى سۋ دەڭگەيى شەكتى دەڭگەيدەن تومەن. قار جامىلعىسىنىڭ بيىكتىگى 4 مەتردەن 94 س م- گە دەيىنگى ارالىقتا. جەردىڭ توڭى 30 دان 150 س م- گە دەيىن قۇرايدى»، - دەيدى وبلىستىق ت ج د توتەنشە جاعدايلاردىڭ الدىن الۋ باسقارماسىنىڭ باستىعى الەكسەي شتىكەل.

وزەندەردەگى قار قورى ورتاشا كوپجىلدىق دەڭگەيدە. وبلىستاعى 108 ەلدى مەكەندى سۋ باسۋ قاۋپى بار.

جالپى شىعىس قازاقستاندا 2021-2023-جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى شەڭبەرىندە 162 ميلليون تەڭگەگە 11 شارا جۇزەگە اسىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى