الماتىدا كولىك ۇرلاپ بارا جاتقان ادام ۆيدەوعا ءتۇسىپ قالدى
الماتى قالالىق پوليتسيا دەپارتامەنتىنىڭ مالىمەتىنشە، قاسكوي كولىكتى ۇرلاپ بارا جاتقان ساتىندە كولىك يەسى وعان بوگەت جاساماق بولعان. ول كولىكتىڭ كاپوتىنا سەكىرەدى. ءبىراق ونىڭ ۇستىندە كوپ تۇرا الماي، جەرگە قۇلايدى. كەيىن قىلمىسكەر كولىكتى الىسقا اپارماي، توقتاتىپ، ودان شىعىپ جاسىرىنىپ ۇلگەرگەن. شاعىمدانۋشىنىڭ سوزىنشە، وعان «ساۋ جۇرگىزۋشى» قىزمەتىن كورسەتكەن ادام كولىگىن ۇرلاماق بولعان.
«پوليتسيا بولىمىندە ق ر قىلمىستىق كودەكسىنىڭ 200-بابىندا قاراستىرىلعان قىلمىس بابى بويىنشا سوتقا دەيىنگى تەرگەۋ امالدارى باستالدى. ءمان-جاي انىقتالىپ جاتىر. كۇدىكتىنى ىزدەۋ جالعاسۋدا»، - دەدى اۋەزوۆ اۋداندىق پوليتسيا باسقارماسىنىڭ باستىعى پوليتسيا پودپولكوۆنيگى ۇلان ءابىلقايىر.
