ۋكرايناداعى قازاقستان ازاماتتارىنىڭ ەكىنشى لەگى ەلورداعا كەلدى

ءدال قازىر ەلوردانىڭ حالىقارالىق اۋەجايىنا «Air Astana» كومپانياسىنىڭ اۋە كەمەسى ۋكراينا شەكاراسىنان ءوتىپ، پولشاعا جەتكەن وتانداستارىمىزدى اكەلدى.

ولار پولشانىڭ كاتوۆيتسە قالاسىنان اتىراۋعا، ودان ءارى ەل استاناسىنا جەتتى. بورتتا 120 ەرەسەك جانە 4 بالا بار. ەلگە امان ساۋ جەتكەن وتانداستارىمىزدى كۇتىپ العان ەلوردا جۇرتى گۇل شوعىن سىيلاپ، قۋانىشپەن قارسى الدى.

ايتا كەتەيىك، ەلىمىزدىڭ سىرتقى ىستەر مينيسترلىگى قازاقستاندىق ازاماتتاردى ۋكراينادان وتانىنا قايتارۋ جۇمىسىن جالعاستىرىپ جاتىر. بۇعان دەيىن ۋكراينا شەكاراسىنان ءوتىپ پولشاعا جەتكەن، 124 قازاقستان ازاماتىنىڭ ەلگە ۇشىپ كەلە جاتقانىن حابارلاعان ەدىك.

ەسكە سالا كەتەيىك، ۋكرايناداعى قازاقستاندىقتاردىڭ العاشقى لەگى كەشە الماتىعا كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى